Lamka, Lhalam 10:
Thadou-Kuki Students’ Union (TKSU), Churachandpur College Branch hon tuni jinglam nidan 10:30 chun Churachandpur College Multi-purpose hall mun’a ah 9th veichanna Freshers’ Meet 2011 kingon anei uvin ahi.
Hiche kin’a Pu.Letpu Haokip Chairman CoPTAM, Pu.Lalkhohao Chongloi President, CDSU leh Pu Lalkhohao Haokip ho Jin-gun, Jin-jaum leh Kin-neipa in apang uvin ahi.Hiche kin achun Mr & Miss Freshers' 2011 lhendoh na anei uvin ahi. Chuleh Rev.Khulla, Lecturer NBC in Freshers jouse vangthum pehna anei in ahi.
Pu.Lalkhohao Chongloi President CDSU in Jin-ja um hina a ahoulim na achun, “Mihem khat ihi leh hina nei angaiyin, nang hohi na background chom chom nanei diu katahsan in khangkhat background hoitah, hoiloutah genthei tah isociety uva ium uvin hijong leh inu ipa tehou vin genthei hahsa ahinthoh uva college eikaisah uva koima eng lou'a ium uhi mi vangpha chungnung ihiu vin, gamdang tichu state dang'a lekha gasim'a lolhin na umding ahiti na ahipon, hetthei khat chu veu vin keiho jong gamdang in kum 5/6 sung ka um uvin tua hi ipi katoh uham ti nahet jeng diu ahi, chuleh eiho society hi ikhantou lounau khat chu innsung'a chate ahung kisahset tengleh leh nule pa ten Bible simsah ding tilung gel anei uvin, hiche hi hilouding ahi, tulai in Bible jilding jong thepna sangtah nei angai tan ahi, chuleh gamdang'a college kai keiho tobang lolhinna neilou social ngailut nan kahung kipedoh kittao vin tulai in ima jouse'a chihna thepna apoimo jotan ahi. Tuhin nangho lamkai hijong leu chun chih na thepna aum lou'a imacha nachih nautoh nathip nautoh Nampi kuong natol uleh phachom louding ahi jeh chun simlai nahiu vin nalungtup uchu molso ding lungtup naken diu” ahi tin simlai ho tilkhou na aneiyin chuleh tukhang'a social ah kipe chihna thepna neilou ho chun Nampi kuong atol lhung loudiu tihi nahet jingdiu khonung'a nangho society ah khut leh keng'a nakiman chah diu ahi ti nakigel doh uva themjil na lampi na khohsah diu ahi tin simlai hungkhom jouse tilkhouna leh thumop na aneiyin ahi.
Chuleh Pu.Letpu Haokip leh Pu.Lalkhohoa Haokip tenin jong simlai ho phachom na thei tah tah in thumop na aneilhon’in ahi.
