HOU-IN CHON HITADING

Hou-in chon ding hi phat tam pi gon ana hijongle, ana kilem theipon ahi. Hijeh in achesa April lha chun executive meeting na a seikhom ana hi kit in, hiche nia seilhah dungjui leh executive committee’n eina ngense natoh kilhon in mi contact thei chan leh doh thei chan ana kidong in, hou-in tampi mu ana hijong leh ana kilem thei deu deu ji pon ahi.

Hiti a aki boi lai tah in nikhat Gurukul former Principal Rev.Dr Jesudas local mi deu tichun  hou-in kilem ahet khah leh tin kanadong in ahi leh, vangphat umtah in tua Madras Diocese  Bishop hi a student lui ana hi toh kilhon in Dr. Jesudas in jong Bishop ana houpi in, Bishop in jong Dr. Jesudas maija na le Pathen phatsah najal in St. Thomas Mount vel a CSI Church thum um lah a Garrison Church chu eihin phal peh taovin ahi.

Hiche toh kilhon in, 4th August 2011, Sunday service kichai in lamkai hon toukhom na ana kinei in, lamkai ache thei chan che a St. Thomas Garrison Church chu gavet ding, ti ahitoh kilhon in aga ve hon adei cheh un ahi. Chujou in Date. 13th August 2011 ni’n lamkaiho KWS,C Chairman pa in a toukhom na ana kinei kit in lungkitoh tah in Garrison church a kichon din phat sah ana hi e, chuleh Date 4th September 2011 leh kaipat din jong seilhah ahi tai.
 
Salvation Army chapel leh Garrison church kikheh na themkhat anoijah ana tah lang u hite.
1). Amun– Garrison church hi tua kws,c members ho umna ding a alailung tah ahi. Hinlah salvation army chapel hi extreme corner ahi.
 
2) Alet dan– tuchung sopi Ngamlien kin chun hou-in len (big) nei ding apoimo dan akilang in ahi. Garrison church hi 600 capacity a kisa ahi. Salvation Army chapel khu kasei khel lou leh below 200 bep dol din ginchat aum e.
 
3) Aman: Salvation army chapel khu lhatkhat a Rs. 2000 kipe ahin, Garrison Church hi Rs. 1500 bep kipe ding ahi.
 
Hijeh in Pathen thangvah utin, ama hou na lam ah pontho tah leh gunchu tah in pang jing uhite. Pathen in KWS,C vangboh in umpi jing hen.

SECRETARY, KWS Chennai