Amasan namang’a jong nana matphah lou MP khat nahung hi’a nanam mite jouse thalheng di’a Delhi Inpi munna na hung tou thei: nachung’ah kaja na Salam kahin pe’e. Lungset um leh pohnat umtah nanam mite khang thusim ho baithet in sumil’in natin nangai lu’a nang let nathei di’a tha le jung panna a VOTE manlu tah nahin pe ho hiti hin baithet in sumil in nate ti hi muntin’a cheng na-nam mite ki nep na ahipon ka Dictionary uva jong a-pang pha poi. Ahin “LAL NGAI LOU LAL ANAI” ti na-na tho hitante na? Hindi film hi le vang Last-Fighting teng nachan ding nal lheh in te.
Pu Thangso Baite, anoi ja thudoh neocha-cha ho-hi nanam mite het thei din neihin donbut leu chun kipa um minte:
1.Ipi ding’a Sadar Hills Districthood Demand Committee ho nakom’a ma nang panpi ngaicha’a ahung uva chu Kei Government Mi kahin Kikum thei pong’e ti’a nana donbut ham?
2.Government nahung hi nathei di’a nahin sondoh, nahin boipi’a VOTE manlutah nang’a di’a hinpe Sadar Hills mi ho chu koi ham? Na kom’a hung ho chu jao lou hiu va ham?
3.Lamkai ho kom’a nasei thu-cheng hi nahet na nasei ham? nahet lou va nasei ham?
4.Lamkai ho chu ama chang phat chom nading ki holla hung’u ham? Mipi’a di’a hung’u ham?
Tu chung Sadar Hills issue hi tu-nai cha’a hung um/soh doh thil thah ahi lou nahet ding katah san’e. Kum 40 jen-jen nanam mite a-chan di’a lom achan lou jeh uva: genthei na sangtah ato uleh mi-noise achan jing’u Qualified MP khat na hi leh nahet jing tei ding ham tin kahin kineppi lheh’un, hinla na-na he pha poi. Hahsat na leh boi pet tah’a lung don sei nathei lou, belthei lou van a na um hi lunggel thei na hi’a Chih na na-nei nah leh nadam sung’a nanam mite kom’a kei hi”THANGSO BAITE” kahi tin avellin sei kit tapon nate.
Hitabong dinmun na aki din lai tah’a belthei lou MP khat Kuki cha ten ka nei khah u hi vangse kaki sa lheh uve. MP khat na hi thei na di’a pan la’a nahin tungdoh nanam mipi Lamkai ho Bihari ho danna nagel hin nampi lungthim asuna lheh jeng’e ti phate chan kimel chih jing’in. Nanam mite kana, kipana, hahsat na leh genthei na ho he’a NAM natong ding’a ka-nei uham ti’a kana gel u-chu Sonia Gandhi le Ibobi na-tong joh nahi dan ahi.
Hin, Nanam miten kathum u leh kangeh’u hi kamu kah’u va genthei hahsat na tampi toh ding hi’u jong leng kahin ma-no jing diu ahi. Thi-na thei ja kahung thi diu, Bu-ngol na thei’a kahin ngol diu, sa-goh keu va um nathei ahi jong leh kahung um nah lah diu ahi.
Nanam mite dou na’a na thu sei hi kasei khel tai ti’a Ngaidam nathum tokah’a itih chan hijong leh nachung’a kilungdam ta-lou ding ahi. Sadar Hills Districthood pilhing ahi na thei mai-mai di’a bon nanam mite baithet na nasei lep thei leh; hiche sang’a sang jo’a thil ahung um teng vang leh IBOBI leh Sonia Gandhi het phah na mun’ah jong um tapon nate.
Kathum uleh kangeh u-hi Pathen in ei lolhin sah thou-thou diu ahi. Sadar Hills District ahung kimu’a Inaugurate aki bol niteng mipi masang’in VIP seat ah na tou ngam di hinam? Hou Lim le chun “NAM-NGAILU” ka hi na ti ngam na-lai dem? Thi leh Hin ki-kah’a ding nanam mite sei lep’a sumil jeng thei Pu THANGSO BAITE, MP’a ka hin nei khah u-hi VOTE ana pe’ah Kei ho suh mo ahin: Vangse kaki sa uve.
Keima
Lien Touthang
Saikul Sadar Hills.
- Error
Latest from wael jalleb
4 comments
-
Comment Link
Wednesday, 05 October 2011 13:44
posted by elty haokip
Zalengam lung tup man a district delmona ipi um ham? Ahilou le machalmona ipi um thei ham ti hetnom a-um e. Ingap chapagap thu mitampi mu ding a hung ki post kiti joh hin pilhin louna avetsah in ahi. Mi thusei ideilou le constuctive tah a dem a aphajoh chu seidoh tho ding ahi. Mi lekha jih chu adih lou isah le eima tah in point to point a hilchet ding ahi. kaso ngeilou seina ding ahibep le debate a apan a panlou ding ahi. Mind your words, Kevinhao Kuki!
-
Comment Link
Wednesday, 05 October 2011 13:33
posted by Elty Haokip
MP kiti chu district delna MP ahilou le state delna MP a-um chom poi. Ahilou le development MP a-um chom poi. Ama chu MP a analhengdoh ho dei chu A-Z bol ding a kilheng doh ahi. District kathum jeh in State kadelna tha lhasam inte tina jong a-um poi. Amavang Thangso Baite chun Sadar Hills district ki demand na a chu pan alah lou mong2 ahi le ama lhinlalna khat ahi. Ahin tungdoh ho betray abol ahi. Keima geldan in pan latei nante ti katahsan e. Amelse se a kihou joh hin khantou lou le lhinlalna avetsah ahi. Mikhat in athusei chu idem nom le thilpha jo asotheina ding joh a abih2 cha a point peh ding, achuti lou le debate a pan lou ding ahi jeng e.
-
Comment Link
Friday, 23 September 2011 21:12
posted by Kevinhao Kuki
Sadar hills Demand kiti hi agam mipi teleh Agam a cheng hon adel u ahin..KUKI te Context in ajao pao
Koi man Zalengam lungtup Lai tah in District thu apha ngei poe..NEWS ahe ti man a enup nup esi thei u ahi poi..Agam kai MLA minister hon asot uva MP pan Moral Support abol cu Epi na ngai tuo uva nadem gun kei u ham..MP pa cu KUKI chate a ding ahin DISTRICT Demand nading MP ahi poi..Acung a POST bol mpa hin A inn gap nading aki sei doh ahi jong aki het lou mei thei ahin..kahe them e tihon Ana hil chen uvin.. -
Comment Link
Wednesday, 21 September 2011 00:58
posted by Lenpu Kuki
ipi jeh'a hiche thu hi lunghang/pohnat na neitah a kisei ahi dem? Lungdon vang aum e. Ginmo in ajeh themkhat kape nom e. Adih khatbeh aum ding vang kakinem e.
1. Sadar Hills gam'a um Kuki thingnoi hon MP dia chu ana sotlou u ahi dem?
2. Thingnoi sotdoh kahin, thingnoi ho sum kapeh pou leh midang/mipi ho chu imacha ahipoi, ti ahi dem?
3. Mipi lungdei kibol hih jongleh sum inei pouleh thingnoi kimang intin, MP kikai kit intin, Politics jong kibol jing nante ati, ahidem?
4. Kuki State Demand kibol ta a District Demand aneo behseh e, ati, ahi dem?
5. Congress hatna a Centre le State Government in alhep lhah ahi dem?
6. Ama Sadar Hills mi ahilou jeh ham?
7. Seithem a kilhat nathei thucheng dang ahetlou, ahi dem?
