KABUL (Afghanistan), Lhamul 18 (Bureau Report): Afghanistan a top US Commander General David Petraeus chu atohmun akon hai ding ahitai.
Afghan president Hamid Karzai kinaipi tah mi 2 athi kal 1 jouva Petraeus hi atohmun akon hai dinga kisei ahi. Petraeus hin kum 1 tobang chu US-makaina international force a commander panmun chu ana nei ahi. Aman aseina’a, keima phatsung in NATO sepai hon machalna phabep aneiyun, chule Taliban galguh bol ho jong ichan ham khat in anemlha tauve, atin ahi.
South Afghanistan a hi Taliban ho hatna mun a NATO sepai hon gam phabep alah peh tan, hichu Afghan security force ho henga pehdohna anei diu ahi.
General Petraeus hi tua CIA a tohmun thah anei ding ahitan, chule ama khel ding chu Commander Marine Lt. Gen John Allen toh tuni teng ki-khut lhehna anei lhon ding ahi. Hiche kin ahi US Joint Ckhief of Staff chairman Admiral Mike Mullen jong pang dingin akiseiye.
Senior adviser Jan mohammmad Khan, southern Uruzgan province a governnor anahi chu Kabul a in a galguh bol hon ana kaplih un ahi.
Hiche banna president pa sopipa Ahmed Wali Karzai jong chu ama security guard 1 in US to kitho khom ahi, tijeh in ana kaplih kit in ahi.
Thilsoh ani gel in Taliban hon keiho kahiuve, tin kiphonna aneiyun ahi. 2012 kichai teng American sepai 33,000 hon Afghanistan adalhah diu ahitai. Chule 2014 teng Canadian sepai 3,000 hon jong adalhah uva Afghan security force ho thanei na apeh doh diu ahitai.
Tupet in foreign sepai 150,000 tobang aum nalaiyin, hiche lah’a chu 100,000 hi US sepai ahiuve.
