KABUL (Afghanistan), Lhalam 26 (PTI): Pakistan in rocket le thal ahin kap jing hi gangtah a angah louva ahile military thaneina kimang ding ahi, tin Afghan defence official hon gihna aneitai.

Kunar le Nuristan province hoa achesa ni 5 sungin Pakistan army hon artillery le rocket 300 val akap’uve, tin Afghan Defence Ministry chun demna nasatah in aneitan ahi.

Defence Ministry in aseina a, hiche thal kikapna ahin Afghan mi-lham phabep athi aum’e, ati. Chule in-mun le mosques tampi jong asei in, mihem aja-a-sim ho chenna ding helouvin aumtai, ati.

Avel in Pakistan army hon thal le rocket Afghan mi-lham ho ana kapkhum kit in ahi.

Hiche hi Durand Line akon a hung kikap ahin, chule gam teni gamgi hi 19th Century laiya ana kisem Durand Line a hi kihen ahi.
Pakistan lang a kon invang apet tah in donbutna ima aum hih laiye. Pakistan in aseina a, tu-kum chun Afghanistan akon galguh bol hon Pakistan sepai le police 55 athat tauve, ati.

Hiche jeh achu US le Afghanistan sepai hon gangtah a hiche (galguh bol) kitol lut jingna asuh tan diuvin aseiyin ahi.
Hetding chu, tu-chung gam juiya thal kikap[ akon gam teni ki-golchatna ahin tohkhah tei ding dinmun in aum in ahi.