Lamka, Lhamul 19: Red Shield Division noiya um 27 Sector Assam Rifles hon Churachandpur district hopsung Songdai kho vellah a thingman tam phabep ana mandoh uvin ahi.

39 Assam Rifles hon thuguh ahet lhih uto lhon’a Guite road a thingman tam hohi Lhamul nisim 18 nikho achu ana mat u ahi.

Thuguh ajat uto lhon’a Unit check post  phatah a angalai ua nilhah nidan 5:00 vella Shaktiman dimset a thingman tam hung kipo hochu ana mat uva Thingat Forest Office a ana pehdoh u ahi.

Thinghinpo akimat peh teni chu Churachandpur akon Jangkhaohao (Driver) chuleh  Churachandpur Zou veng akon Khaikap ahi tin thulhut chun aseiye. Thingman tam hochu Forest Officer heng’a pehdoh ahitai tin thulhut chun aseiben ahi.