Imphal, Lhalam 27:

Tuni chun  vangset umtah in Iril vadung Keirao Bitra  mun a nupi 1 toh a chanu teni twi  jin ana lha lut uvin ahi.Hiche a athi ho chu  Khunjamayum (O) Kunjarani, 30, Kh. Amuchou  jinu  ahin chuleh a cha numei teni chu Kh. Karorani, kum 3  leh  Kavita, kum 1 ahi lhon’e . Ama hohi Keirao Bitra kho a cheng’u ahi.Kh. Amuchou in thilsoh chu ajah phat in  akin val in kho helouvin JNIMS a apolut uvin ahi.

Innsung mite seidan in Kunjarani  leh acha teni chu inn akon nidan 11:20 vel in apot doh uvin ahung kile lou phat uvin vengsung’a  ahol uleh  mi 1 in twi  pang a ava le  u amu thu ana sei peh uvin ahi. Chuphat in a innsung miten vadung pang hochu ahol uleh Kunjarani leh achanu kum 1 a upa chu twilah a athisa akilet chu amudoh uvin ahi. Kavita vang chu tuchan in aki mu nai pon, ahin ama jong twi sung’a lhalut hi ding in ginchat ahi.

Hiche thu ajah phat uvin Kunjarani inn koten   a veng mipi ho Kongpal Kshetri Leikai  a mipi ho toh ahung kon uvin ajipa techu  ana nokhum uvin ahi. Amaho chun anokhum na ajeh chu Achanu uhi  a eng bol jeh a ama leh ama kithat ahi tia ngoh u ahi. Hiche tobang’a boina a um lai tah a chun police ho aga lhung uvin kiboi na chu aga sucham uvin ahi.

Hiche thilsoh chu ipi jeh ahi vangchu akihe hih laiyin ahin kho miho seidan in ache khel jeh a kithol lha hiding in aging cha uvin, athi long kimu na koma jong chun aki thol lhah na hiding a ginchat um tah a um’e atiuvin ahi. Thilong chu RIMS mogue a post  mortem bol ding in aki koiyin ahi. Alangkhat akiholmo achanu chu hiche thulhut kijih chan hin aumna akihe hih laiye.