NEW DELHI (India), Lhalam 26 (IANS): Jammu and Kashmir a khangthah hon Congress  ahin belthei nading a Congress general secretary Rahul Gandhi in tunikho teng state sung agavil ding ahi.

Srinagar a Kashmir University a simlai hoto kihouna jong anei ding, Indian Youth Congress a membership atambe cheh nading a houlimna anei ding ahi.

Chuva chu, lha phabep sunga Youth Congress a lamkai kilhenna jong umding ahi, tin thulhut kimu chun aseiye. Chuban a, tu-chung a Congress genaral secretary in state agavil akon a agam’a khangthah ho ngaichat ho ahin hetchen ding tahsan aumin ahi.

Simlai ho to akimuto phat teng Congress general secretary in mainstream politics a ahung lut diuva temna jong anei ding ahi, tin senior Congress functionary khat in aseiyin ahi.

Tunikho ma ma le Kargil a Rahul Gandhi in mipi ki-khopna a houlim na anei ding, nilhah lam teng panchayat tha-lheng ho le Indian Youth Congress a candidate ding ho akimupi ding ahi. Indian politics a khosung a kon khangthah hon pan alah ding chu Rahul Gandhi in tup pen khat chu ahi. Ama kholjin akon’a hi Congress le Youth Wing nasatah a hung hatdoh tei din ginchat aum’e.

Jing nikho teng Rajouri district a panchayat members ho to kimuto ding, chujong le Jammu a simlai ho tojong ki-houlimna anei ding ahi.

Chief Minister Omar Abdullah makaina a Kashmir Coaliton sorkar’a hi Congress le National Conference kitho khon ahi.