Dimapur, Lhamul 19(Newmai News Network): Nagaland School Education Department in tunaicha a jilkung 300 vel atohmun akon ahaisah kal phat saotah chelou laiyin simlai kiloikhom na  Naga Students’ Federation (NSF) in engineering departments a Sub-Divisional Officers (SDOs) leh Junior Engineers (JEs) athah a kilaho dantoh kitoh louva kila ahi tin gangtah a haisah ding’in ngehna anei tan ahi.

Nagaland chief secretary heng’a NSF president Kelhouneizo Yhome leh general secretary N.Ejanthung Ngullie  min’a lekha thot achun, state sorkar in Nagaland Public Service Commission (NPSC) noiya 60 percent lahding hi phatah a ajui angaiyin ahi ati.

Chuleh natoh na neisa ho ding’a phatbih suhsao pehna ding aum umpon NPSC in lhang phong’a abol ngaiyin ahi chuba’ah natoh ong kila ding hohi dan leh thupeh dungjuiya lah ding’in ngehna aneiyin ahi.

Natoh ong kilahna chung chang’a aguh a kilaho chuleh politician ho kikum na kidin tepi ding’a thuphon aneinau ban’a sorkar in ngehna kinei hohi nikho 60 masang’a asuh bulhit ding’in simlai kiloikhom ho chun temna aneiyin ahi. Iham tia sorkar in ngehna kinei hohi nahsah louva chuleh donlouva akoiya ahileh simlai kiloikhom hohin abolthei chan’a kiphin na neiding’in sorkar gihna anei uvin ahi.