Guwahati, Lhalam 19 (NNN):

Bacteria in lingkiho (earthquake) akon na huhdoh thei ding ahi.Chennai’s Structural Engineering Research Centre (a Council for Scientific and Industrial Research wing) a Research bolho seidan’in bacteria in inn ho alhousah theiyin ahi ati. Hiche thilthah kimudoh hi science journal khat ‘Current Science’ kiti a achaina pen edition a hung kisodoh masapen ahi.

Hiche journal a CSIR-SERC researchers' chief V Ramesh Kumar in Chennai akon ahin seina achun, “kholgilna kaneinau “biomimetics” akon kimudoh chu ahileh bacteria hohin inn kisahna ho alhousah theiyin ahi” ati.

Biomimetics hi thilsem naho (construction material) suh hoibena ding’a mangchah dang dang holah a kimangcha ahi. Kholchilna aneinauva chu, Kumar leh a team hohin Shewanella species leh Bacillus pasteurii kiti akon thermophilic anaerobic microorganism thahbeh ni alahkhom uva hiche akon’a chu bacteria in inn kisahna a concrete ho hatah a akithopi dan ahinmudoh u ahi.Bacillus pasteurii hin bang/khom a ahom ahilouleh akehlai ho ahuhbit keu hilouva concrete ho alhousah cheh ji ahi. Chuleh Shewanella species bacteria hohi concrete lah a ikoiteng alhousah cheh jiuvin ahi tichu kholchilna (study) abolnauva ahinmudoh u ahi.

Hiche bacteria hohin concrete alhousah tolhon’a bacteria ho ahung kimanchah a ahileh cement kiman na hatah a hung kemsuh thei ding ahi tin kholchilna neihon aseiuve.Journal in aseibena a, “cement-sand matrix a ahomho subit/huhbit thei aum tolhon’a innsah na thilho a biomimetics mangchah semhoi thei ding hiding ahi” ati.Biomimetics akon’a manchah hoitah tah, alhouding, amanlhom ding, nen hapoh louding chuleh thing leh goo toh kimahna umlouva inn sah na thilho kisemdoh thei ding ahi tin kholchilna neihon aseibe uvin ahi.