Imphal, Lhalam 6 (NNN):
Tuni nilhah nidan 6:00 vel chun Kangpokpi mun’a SHDDC makaina noiya economic blockade tosot hon Tata thilpo 9 Dimapur apat Imphal hin jon chu ahallha uvin ahi. SHDDC spokesman pa in asei na achun, Thilpo gari 20 tobang 43 assam rifle ho convoy vetsui na noija hung ‘u ahi ati. SHDDC makaina noiya economic blockade tosot hon hiche thu hi ana het masat phat uva Kangpokpi khopi lutna ding kon leija (bridge) mun’a alam tin u ahi.
SHDDC spokesman pan aseina a, 43 Assam Rifle ho nasatah in themmo achan in ahi, ajeh chu economic blockade kipat til a pat a Assam Rifle ho hin thilpo gari ho kom’a sum aneh guh ji uva ahin pui jiu ahi ati. Aman aseibe na achun, sorkar in Assam Rifle ho tolop apeh jou lou tam? Ipi jeh a hiche tobang’a sum dei man a nehguh a bol u ham? tin thudoh jong anei jin ahi.
