Imphal, Lhalam 26:

Lhajing (Aug) nisim 30, 2011 nia kihoukhomna ana um na a cabitnet in thulhuhna anei tolhon’in sorkar in Imphal east, Deputy Commisioner khutna kon athiho longman (ex-gratia) chu athiho inn sung mite  peh ding’in Manipur governor in dangka 11,80,000/- apehdoh tan ahi.Manipur governor in longman pehding’a aphondoh holah achun tunaicha a state sung’a galguh bolho chavalna a thi phabep apang’in ahi.

Lhajing nisim 1, 2011 nikho a Chingmeirong kom Sangakpham Bazar a bomb pokehna a thi Bihar state a Chhapra District hopsung Khalispur kho akon (L)Jawaheer Thakur (50) longman ding’a a innsung mite dangka 2,00,000 lakhs, hiche bomb pokehna a thi Bihar state a Chhapra District hopsung Khalispur kho akon (L) Jawaheer chapa (L)Ajindar Thakur (22) longman ding’a a innsung mite dangka 2,00,000 lakhs, Lhajing nisim 1, 2011 nikho a Chingmeirong kom Sangakpham Bazar a bomb pokehna a thi Ukhrul hopsung Marou kho akon Kazaipkhui Tangkhul chanu (L) Ms.Philaso Tangkhul (10) longman ding’a dangka 2,00,000 lakhs, Lhajing nisim 1, 2011 nikho a Chingmeirong kom Sangakpham Bazar a bomb pokehna a thi Laipham Khunou kho akon Ch.Basat Singh chanu (L) Km. Chingtham Niha @ Aping (10) longman ding’a dangka 2,00,000 lakhs, bomb pokehna a kitongkha Chongtham Ekashani Devi kithopina a dangka 30,000, Samurailatpam shanti Devi (30)kithopina a dangka 1,00,000, Maibam Jerman (25) kithopina a dangka 1,00,000 lakhs, Soibam Imocha kithopina a dangka 30,000, Taorem Kiranmala Devi (33) kithopina a dangka 30,000, Ngangam Ningol Thokchom Ongbi Killopatra Devi (31) kithopina a dangka 30,000, K.K. Rebecca (55) kithopina a dangka 30,000, Kh. Sanjoy (30) kithopina a dangka 30,000, kipeding ahi. Hiche chung chonna Lhajing (Aug) nisim 30 nia cabinet in thulhuhna anei dungjuiyin SHDDC makaina noiya thilsoh khatna ana kitongkha a damdoh jou talouva thina ana toh Keirao Mayai Leikai,Imphal east akon (L) Md.Rehman (35) longman ding’in sorkar in dangka 1,00,000/- pehding’in phatsahna aneitan ahi.