Imphal, Lhalam 26:
State Election Commission, Manipur in tuni chun masanga boina jat chomchom jeh a ana kibol thei talou ADC constituencies 10 ho-Ukhrul chuleh Senapati a dinga kigot na nei hon office complex, Deputy Commissioner, Imphal West Lamphelpat mun a nomination paper file abol thei, ding uvin Th. Chitra, secretary, state election commission in thuphon anei jin ahi.
Hiche nominaion paper file kibol na ding’a mun kihap peh belo na ajeh chu Ukhrul leh Senapati a Deputy Commissioners in gamsung’a boina jat chomchom a um jeh a ngeh na anei lhon jeh ahi. Hiche District a DC teni hi ama ama district cheh a jong chief election officers ahi lhon’e.Returning officers ahi louleh Assistant Returning officer ho DC office lamphelphat mun’a touding chuleh nomination paper hi alah ding ahi ati.
State Election Commission in tu masang jep a aseina achun, hiche district council constituencies 10 ho 2010 a ana kibol thei louna ho ahi Ellha (Oct) kichai lam teng kibol ding ahi atin ahivang’in anikho vang akihe chen hih laiye ati.
