Lamka, Lhalam 9:

Kholmun Youth Club ho tohgon nanoi'a Kholmun Lentol mun'a kumseh a ana umjing “Seikam Memorial Open Football Tournament” chu ahunglhung ding Ellha (Oct) nisim 3,2011 nikho teng  Seikam Memorial Open Football Tournament 2011 a 4th channa  hondoh nakin umding ahi tai.

Hiche Touranment a 1st Prize hi dangka 50.000/- , Trophy leh Certificate, 2nd Prize hi dangka 30.000/- leh Certificate hiding, hiche Tournament ah Memorial team ho pangthei louding Club hobou kichem theiding ahi. Chuleh hiche Tournament ah apangnom Club hon Entry Fee dangka 1,500/- leh Securty Deposit dangka 500/- bol'a Form Thangting Agency, Tuibuong Bazar leh KYC office,Kholmun munho'a kilah thei ding ahi. Chule Form lahon Lhalam (Sept) nisim 30 masang ngei'a Form ho pehlut kit ngaiding ahi tin K.Y.C akon thuphon kimu chun aseiyin ahi.