Kanggui, Lhalam 14: Achesa nisim 12 nikho’a Brig.Thomas Ground, Kangpokpi mun’a Sadar Hills District League ana kipat tolhonin tunin jong kichepna 3 ana chelhan ahi.

Kichepna masa’a Muvallai Athletic le Pangjang ana kichem’in phat kichai chanin alang lang’a goal khat cheh akikhumto lhonin kibahna ana neilhonin ahi.
Kichep kipat jou minute 9 lhin in Muvanlai Athletic lang’a Ginkhamsem, Jersey No.5 in Pangjang Youth Club te lang’a goal hoitah khat anakhum’in ahi kichepna chu ana makai peh-un ahi. Ginkhamsem goal khum chun Pangjang Youth Club te lunglhah chomna anapehdeh pon dettah-in anapangun ahile Muvanlai Athletic ten aban khumbe theilouvin ana umlo-un ahi. Hitichun kithuh tah-in ahung kichempeh un second half jou phat kichai ding konin Pangjang Youth Club ten penalty ahin mu uvin Sehlun, jersey No.17 in apeh-in hoitah in akhum’in goal khat khat’a kibah ana semdohtan ahi.
Muvanlai Athletic te jong nasatah in akihambol kit-un lethuh tei agouvin hinlah phat kichai geijin alang lang’a goal kikhumbe umtalouvin goal khat khat in ana kibang tauvin ahi.

Kichepna nina’a,  Jamsat Songtun Youth Club(JSYC) leh  FC.Laogas in kichepna aneijin tuni kichepna lah-a ding’a vetnom umpen khat ana hitia. JSYC te lang’a Thangcha(7), Thangpimang(8), Thangjahao(17) in goal khat cheh FC.Laogas te lang’a anakhum-un, FC.Laogas L.Minthang(11) in JSYC lang’a goal khat anakhum-in, phat kichai geijin adang kikhumbe to talouvin JSYC in FC.Laogas te chu 3-1 in ana jou tauvin ahi.

Kichep thumchan’a, Ninou FC leh Saikul Hill Town in kichep vetnom umtah ana neijing ahi. Kichep kipat pat-in Ninou FC lang’a Jersey No.7 in goal khumna thei phat gomkom hoitah ana neijing hilah vangset umtah-in goal bar ana sesah-in, aniveinan phat gomkom khat ahin mukit-in hiche’a jong chun goal bar mama ana sesah khah kit-in ahi. Phatchom khat jouvin Saikul Hill Town ten kichep chu ahin makaijun Minute 19 lhinin Thangginlun (23) in Ninou FC lang’a goal hoitah khat anakhumtan ahi. Minute 27 lhinin Thanggoulen(8) in goal khat ma anakhumben kichepna chu goal in ana makaijun ahi.

Second Half jouvin Saikul Hill Town lang’a M.Haokip in Minute 36 leh 52 in Ninou FC lang’a goal ni ana khumben kichepna chu goal in ana makaijun phat kichai geijin hitichun goal 4 in Ninou FC chu jona ana nei-un ahi.

DATE 15/9/2011 FIXTURE :
1ST GROUND   :  Sahei SC v/s Taphou Y/C
2nd Ground     : Muvanlai Athletic v/s Motbung Y/C
3rd Ground      : FC.Lao

gas v/s Kangpokpi Youth Union.