HETSAH

Muntina gosem ngailut na neija gosem subscribe bolho jouse chung`a kaki panau seijoulou kahin phong uvin ahi.Tulai tah a SadarHills District pilhing hisah na dinga toh gon amachal jing toh lhon in Gosem thuso in jong thei top so in thuso kijah mat to nading hah sat na um jongleh aki pang jing in ahi.Sumlepai dinmun hah sa jong leh mipi in man beija thulhang sam dinga tem na anei dung jui in akichelhah pi in ahi.Hinlah thuso ta doh na ding lekha alhah sam tah jeh in bouina lentah asoh doh tan ahi.Gosem che jom na tei ding akigel vang in koiman news ta nading lekha ei pe nom tapouvin ahi. Thumna thei leh taona thei jouse a bol thei chan akibol in lekha akimudeh tapoi.

Thuso tana ding lekha kimulou tolhon’a Lhalam nisim 29 nikho a kipat lekha akimutokah a Thuso hung kipe jou lou ding ahitai. Angaiya ana kitana lekha akimutah lou jong leh a size neova hung kitat maithei ahi. Alou thei louva i-thuso u a lhahsam na chung’a Gosem ngailu a simjing jouse kom’a ana hetthem diuvin temna leh taona ahung kineiye. I-thuso u lhasam ta jongleh akidodoh kitna ding’a nangho na um jing nauve tihi kakinepnau ahi. Gosem ngailu a simjing jouse Pathen in phatthei naboh cheh tauhen.

Ahung lhung ding nikho 5th-7th October, 2011 sunga Shillong khopi muna KSO (S) Golden Jubilee le Khanglai 2011 mana dinga muntina um KSO Branch leh KWS Unit jouse thanom tah a hung pang tei dingin Pakai minin kahin temuve.

Golden Jubilee

Golden Jubilee hi 1960s kipatna tuni geija KSO lamkai ho jana le ngailutna vetsah a, lam chomchom’a simlai ho pachana le lolhinna ho seiphonga chule tuni chan a eihinpui pau Pathen thangvahna le loupina phondohna kipang ding ahi.

Khanglai 2011

Khanglai 2011 hi KWS unit chomchoma ana kimang tajong leh KWS amasapen’a hung kiphu dohna mun, Shillong khopi a dinga akimanna masa hiding ahi. Hijeh hin KWS moto “Shine for Christ” (tua KWS unit jouse a kimang) hi thupi a neija achesa phat ho velvetna chule khonunga KWS dinmun le mopohna ho seikhomna le gelkhomna neiding hi Khanglai 2011 kigon lona pipen ahi.

Hetdinga poimo phabep
(1) KSO Branch le KWS Unit jousen ponlap flag khatcheh ahinkipoh cheh diu ahi.
(2) Travelling expense KWS Unit leh KSO Branch hon akingaito diu ahi.
(3) Lhunna le gena chuleh neh le chah vang KWS Shillong, KWS Happy Valley le KSO Shillong mopohna hiding ahi.
(4) Lhunna gena le neh le chah ho aboilou nadinga September 20, 2011 KWS Unit, KSO Branch jousen mihem ahung pang ding jat leh Registration fee mikhat a dangka jathum (Rs,.300/-) bou toh format kipe dungjuija nahin peh lut cheh diuva hetsah le temna ahi.
(5) KSO Branch le KWS Unit umna jouse a Official Delegate le kiloikhomna houbung thalhenga hungkal songho dinga bou lhunna gena chuleh neh le chah kigong ding ahi. KSO Branch leh KWS Unit umlouna KSO (S) le KWS (S) lamkai luiho jong ageipen’a Septemper 20, 2011 lhasunga lamkai ho koma Registered hung kibol ho bou lhuna genna chuleh neh le chah kihop ding ahi.

(6) Shillong khopi hi adapset jeh in delegate jousen ponlum le von lum nahin kipoh cheh diu ahi.

(7) Branch/Unit jousen Delegate Leader neicheh ding (ahinthei leh Numei langa Leader chuleh Pasal langa Leader) chuleh delegate ho chunga ama ama leader in mopohna lhingset apoh diu ahi.

(8) Delegate a hung ding ho hi, neh leh don kitup, chondan kitup chule kihoukhomna a constructive tah a pan lathei cheh ikilhen diu ahi.

(9) Hetlou jeh a kisuhmo lou nading in, Shillong hetlouva khoh phabep jong kahin tah languve.

(a) Shillong hi khopi dang toh abang pon, eiho tobang thinglhang milah ahijeh in, thil neocha ima hilouva kigel ho a kona mi toh kiboina sangtah bailam tah a soh thei ahi. Hiche ho hin, kikhopkhomna ho jeng jong asuhchat vai thei ahi.

(b) Amun hi North-Eastern Hill University Campus sung ahin, India North-East sung le mun dang dang a kon jat le nam tin themjilna mun ahi, simlai atamjo Campus sunga khosa ahi. Themjil na mun ahijeh in, ipi hileh midang suboi thei tapou bol lou ding ahi.

Ahung ding jousen Registration Form download bol a fill up bol’a Pa Lalboi Khongsai (Convener, Delegate Registration Commitee) mail ding ahi. Email: This e-mail address is being protected from spambots. You need JavaScript enabled to view it Mobile: 09862498496. Thuchen hetbe nom hon anoija kipe lamkai teni khat penpenna dohthei ahi.

Prof. T.T. Haokip (Mobile No. 9436163164) & Dr. P. Hangsing (Mobile No. 9436104108)
Chairman & Secretary, Core Committee for KSO-S Golden Jubilee Celebration Cum Khanglai 2011

HETSAH

Muntina gosem ngailut na neija gosem subscribe bolho jouse chung`a kaki panau seijoulou kahin phong uvin ahi.Tulai tah a SadarHills District pilhin hisah na dinga toh gon ama chal jing toh lhon in Gosem thuso in jong thei top so in thuso kijah mat to nading hah sat na um jongleh aki pang jing in ahi.Sumlepai dinmun hah sa jong leh mipi in man beija thulhang sam dinga tem na anei dung jui in akichelhah pi in ahi.Hinlah thuso ta doh na ding lekha alhah sam tah jeh in bouina lentah asoh doh tan ahi.Gosem che jom na tei ding aki gel vang in koiman news ta nading lekha ei pe nom beh seh ta pou vin ahi. Hiti ahi jeh chun tua akinei hi akichai tengleh achoh nading akinei jou lou to lhon in alah na ding kihe lou ding ahitan ethuso u hi hung lhasam ding in aum tan ahi. Ngailutna neija neisim peh u to kilhon na nei het them na ding uva jong tem na hung kinei ja ahi.

Lalsanglen Haokip (Ch.Avenue)
 
Thuso khat neidoh kitihi nampi khantou nakhat ahin, ahinlah thuso mantam dan leh natoh thei dan hohi eiho society sung avang alhasam lheh nalaiyin hijeh chun thuso khat nahchang sal’a inei doh ujong leh sumtong kiholna dan’in ilaji uvin phatah a nampi GOU ahina ban’a nampi thusoh gil jouse hung kitahlang jing napen ahilam ihethem ji pouvin hijeh chun kichih sah deuvin demna ding dang umlouvin apao kiledan ahilou leh apeh lhom asim hah tihon idem uvin midang bol thuso dang joh ikhohsah uvin, hijeh chun  pha hen itiuleh GOSEM ngailu cheh utin kitho pi joleu hen midang thuso bang’a nikhat leh hetthei tah thuso hung hidoh thei ahi. Amavang eiho society sung vangchu khat in iham tia ahin jih khel tahjong leh gihna umpai ngal ji ahilou leh aseiset nalai ding leh ataitom’a ipan jing nalai jiu. Jih khel hochu gihna hilou a jihdih na a thuso ma a donbut joh hi kithem levang pha lheh ding ahi. I-umchan ikhosah dan uhi eiho insung a vangchu humpi/keipi ibah jiu ahinlah jatdang namdang masang’a jihthoa donbut thei ngapcha ilhom jiuhi igelleh pohnat leh nuijat jong ium jiuvin ahi.

Epichu hileh GOSEM thuso thuchu pohnat jeh a iminphah thu u bou ahin eseinom uvang chu ahileh hitobang nampi sung laigil hin phongdoh jia nampi masang’a hin tahlang jing thuso ahilou leh megazine inei chasun houhi iti lamdol’a machal sah a inei cheng uhi phatah a malam nosah ding ham tihi lam chom chom’a lunggel ngeito jong um nantin ahinlah tunia igel khom diuva deisah um vang chu ahileh eimite society sung ahin kijah matto nading inei thou tauvin ahinlah amachal theina ding’in PONTHO uvin tikal umlou dan’in akilang in hijehchun inam sung uva lasa them tah tah ho kipapina a Muzeeko Award tin kumseh leh til khouna toh lhon’in kipaman ipe jiuvin,hiho hin namsung’a lasa them ho hatah a khantou nading leh malam anosah jing’in ahinlah thuso lampang ahin gel khohna leh lainatna inei pouvin hijehchun hithei ding hihenlang hileh Thadou Kuki Journalist Union lamkai hoham ahilouleh nampi sung’a pohnatna neiya kiloi khomna hon Journalism Award hinsem doh uhen lang hileh thuso inei chasun ho ahin namsung’a aching athem tampi hohin lunggel ngeito hinsei thei intin chutileh athep nau achih nau cheng hin tahlang jing uvin tin, kumlhun tengleh unity lam’a lekha jih them ahilou leh khantou nalam a jih them chuleh emerging columnist tiho bang’in Award hi kipe theileh nampi khangtou teiding in tahsan aum’in ahi. Ajehchu phat sot beh loulai a ana kiphut doh Muzeeko Award jong ahung kibol jing tolhon’in eimi society sung’a lasathem hihen lang lamthem hijong leh hapta seh tobang in ahung pung tan hiche toh kilhon chun motion album thah thah ihin podoh thei tauvin hichehi khantou nalou ipi ham? (hitin tho uhen khutin tho uhen tipachu thilchom hileh).

Chungchon’a lasathem honjong ahithei chan’in nampi kilung khatna ding nampi laa hohi cassette jousea khat beh pang tei jileh pha lheh ding’in kamun ahi. Amavang ichen khompiu meilhei ho album vel’a nangtai lou numei hohi ui leh kel’in kamui/nang tailou numei hohi loi leh bong bangin kamui kiti hobang’a eimiten jong sahding beihel bang’a tailou keikhat laa dan’a isah houhi kibolda leh phante.

Hijehchun achung’a kisei eimi journalist union hon hin gelthem uhen lang hitobang Journalism Award hi namsung ah kiphutdoh thei leh lekha them tampi inei houhin Award khel khel delna hi hih jong leh lekha jih nalam’a gunchu na hinnei thei tei uvinte tihi nampi lamkai hon ahin gel khoh diuvin ikitem nom uvin. Hitobang hi ahithei tahlou jong leh namsung pona a Laizon Digest Muzeeko Award bang’a goptha a bol thei ham tijong gelkul ding’in thuso khantouna ding’in poimo kasan ahi. Ihet diu khat vangchu eiho society sung’a thusoh lasoh hohi atamjo koima thuso/magazine in itahlang pih khahlou u ahin hijeh achu thuso khantou sahding kitihi nang leh kei khut a kingam ahin ahi.

Imphal, Lhalam 21:

Achesa Lhalam nisim 20, 2011 nikho a The Gosem nitin thuso a Lien Touthang in “Open Letter To Pu THANGSO BAITE, MP” tia thuso ahin neina chung’a Thangso Baite in SHDDC lamkai hotoh kihouna dungjuiya kal ason dan hilchen na ahin neiyin ahi.

Pu Thangso Baite akon hilchen na thuphon kimu in aseina achun, “Amasan nangma (Lien Touthang) in Sadar Hills ngailut na jala nahin thusei na chungah pahchatna kahin pe’e” tin Lien Touthang aphatna thu ahin phong’in ahi.

Aman aseibena achun, “Keima M.P hina a neihin thudoh hochu SHDDC Lamkai hon aboncha ahet’u ahin, amahon asei dungui uva tohgon kitol/kichepi bou ahi” tin SHDDC lamkai hotoh kihoutoh a kal kisong ahidan aseiyin ahi. Chuleh “Eini kah a kihet khelna ana um khah ding jong katahsanpoi” tin hiche thuso chung chang’a khat leh khat kidoudal na leh kikalna jeh a thuso kibol ahilou dan atahsan na Pu Thangso Baite in aphong’in ahi.

M.V.Haokip, CCpur

Vannoi leiset khangthusim ho ivet leh agam gam’ah aphat phat’in gamtum semdohna di ham ahi lou lehkivaipohna khel na di ham in Nam Kiphinna/Nam Natohna (Revolutionary/NationalMovement) akimu jing in ahi. Hiche ho jouse hi a nam leh a gam a dia kipe dohama chang phatchuomna ding kigel louva a nam mite khonung ding gel lamkai phatahtah in ana lamkai uvin ahi. Hiche toh kilhon chun kiloikhomna min khat nuoiah hito bang kiphinna chu ana chiepi ji’u vin ahi.

Hitobang chun Kukite’njong gam le nam khuonung ding gelna in kiphinna kum 20 val jen ihin neita uvin,hitobang bul hin phutdoh lamkai masa ho jana sang tah kahin pe e. Hinla hitobang kiphinna nungthuop ding political party inei lou jeh un i machal joupouve. Ajeh chu ijat a thahat kiloikhomna nuoi ah kiphinna hattah nei jong leuhen State Assembly sung leh Parliament sung’a i chungthu’u hangsantah a polutdi inei kah se’uva i masang’u bing jing ding Governement in nahsah a ei nei louding’u ahi. Tutah i din mun’uva jong i mu thei uve. SoO noi ah i um un hinlaAssembly leh Parliament sung’a i khonung thu di’u leh i chungthu di’u polut dile hin no ding i um lou jeh un Government in ei bol dan’ u hi political issuehi lou’a dan le thupeh (law & order issue) dan’a ei gelpeh uva kihounajouse a jong security ho bou toh eisuh tuo u ahi.

India jalen galsat laiinjong thingnoi kiloikhomna (Revolutionary Party) ana um in government nasatahin ana suboi e. Hinla amaho jengseh in ima ana bol doh jou po’uve. IndianNational Congress malahna jal’in lolhinna ana um’e. Muslim hon gamtum ana deijoh jeh un political party khat, Muslim League ana kiphu doh uvin provincialgovernment ho ah election ana tet un thalheng ana nei un Muslim te interest bouhangsan tah in a polut jing un ahi. Hiti chun hiche party makai na in Pakistanana tungdoh uve. Assam ah, gamtum hihih jongleh, Bodo ho ahin tunai cha aDarjeeling a Gorkha ho hileh political party khat lamkaina in kivaipohna tum angeh u chu amachal lheh un a ngeh chet uh mu nai hih jong le’u ichan ham khatin alolhing ta’uve. Naga te ki phinna jong hichan lom a Central Government in agelkhoh na’u hi political party khat (NPF) hangsantah a a nungthuop jing jeng’u aneijeh  u ahi. Hiche hi a hetchiet jeh unManipur sung’a jong NPF a hung tungdoh peh kit un ahi. Hiche hi amaho politicalmovement lolhin thei na dia  ceasefire ina hoptha louna mun Manipur gam lah thei na ding’a a bol’u ahi kiti leh seikhelhi ponte. Kumkit Assembly Election a hi ipi ahin bol diu ham hetthei ahi.

Kukite’n (Kuki kati hinManipur a non-naga tribal jouse kaseina ahi, nuom in da jong le chun) jonglamkai masa ho jal in political party khat (Kuki National Assembly/KNA) ina neiuvin ahi. Tua Kuki State iti  thei na’ujong hi KNA in abul ana  pat ahi. Hinlavangset umtah in party i neisun uh i na thisah ta’uve. KNA sang in NationalParty ho leh Regional (state) Party ho ina jom uvin ibol khiel lien pen’u lah akhat ahi. Ajeh chu National Party ho, Congress (I), BJP le adang dang ho hinparty policy leh manifesto a nei cheh un hiche toh ki kal’a chu elected memberkhat chun na atoh thei lou ding, thu jong a sei thei lou ding ahi e. Eiho ikilhepna’u chu ahi leh National Party ho i jop lou uleh Central’a i thu’u sei dium lou ding ahi iti’uvin, hinla Cong (I)/BJP ticket a kai khat chun, rulinghihen opposition hita leh, party policy kal’a iti Kuki te interest a thu a seithei di ham? Seita mong jong leh party kal hiding nodoh a um na lai ding ahi e.Party interest khel’a thu a sei thei lou di, lam a jot thei lou di ahi e. Chutobang ma a chu Regional Party, MPP/MSCP ham khat a kaidoh khat chun Kukite dititah lou thinglhang mi ho interest a iti kam a keh thei di ham?

Manipur huhbit na dia party ki tungdoh khat’a kaidohMLA/MP khat chun iti Kuki State thu inpi sung’a a sei/pohlut thei ding ham?Hichu a bol leh party dou hiding a touna mun a chaan’a nodoh hikit di ahi.Hiche ho jeh a hi itun doh ho’u hin Kuki te thu a sei ngam thei ji lou’u ahi.Oimo di ahi po’uve, Party rule/discipline in a kaan jeh u ahi. I ati lehthinglhang MLA inei hou hin Inpi (State Assembly) a igam’u huh na dia MR &MLR Act ho hi a dou lou’u ham iti leh ajeh isei hou jeh chu ahi. Tua hi meilheihon UCM chan in jong hangsan tah a thinglhang a MR & MLR Act chesah dingamasang jep a akikhop na’uva chu thulhuhna anei’u ahi tai. Hiche thu hi civilsociety akon’a ogin a hung um leh hangsantah a ahin bol diu ahi tai. Assemblysung’a jong MLA Ojoy, MPP in hatah a ana sei doh ahi tai. Hiche ho jeh a hipolitics a musaona neijing Naga hon Sixth Schedule umlou va MDC election umdichu hatah a ana tin’uh ahi. Kuki te’n vang khonung’a itu icha te’u di gelphalou in kilop tah in ina kisaan’uve.

Kukite’n MP/MLA hohidevelopment natong ding’in igel’uvin ahi. Amaho hi legislature (daanbolkiloikhom ho) kiti ahi’uve. Hijeh a chu ama hohi development bol ding joh hilou va gamsung’a dia daan siem ding joh ahi’uve.  Development chu contractor ho, government ina ngansie ho bol di ahin MP/MLA ho chu i chan ham khat’a development bolna diathanei hi jong le’u anatoh diu dihtah chu daan siem ahi.  Hijeh a chu government in daan asiem tengeiho ei sukha/suse thei ding aum leh i thalheng’u ahijeh uva hatah a dou/nangthei ding, Kukite interest seithei ding party khat’a um MP/MLA i nei u ngaiahi. Iding’u sei ding leh i sih uva ding di political party khat i nei tokahse’uva ipi sei jong le’u hen hahsa di ahi.

Hijeh a chu vaigei lhehta jong leh, saapte’n, “a itih a ahilou sang’a vaigei a phajoi”, ati bang’aKIM, KSO, KKL, KWU leh Nampi Natong hon kilung toh tah a National Convention(Nampi Kikhopna) khat ahin gon’uva Kuki sung’a miching, mithiem, gelsaona lemusaona nei hon lung igel khom’uva political ideology khat igon’uva i khuonungding’u seidi leh mano ding tua i-diuva natong ho kithopi ding Political Partykhat iphu doh lou u khoh ahi tai. Tua State Assembly election masang ngei’a hii phu doh uva kilungtoh tah a hiche party a chu uncontest ahi lou top jong lehsum seng lou hiel a nampi’n MLA 9 i neitheina mun ho’uva hi itundoh teitei ungaichat khoh ahi tai. Chuteng leh kichat di bei hiel’a party ideology lehpolicy dungjui a hangsan tah a tua i National Movement u hi Inpi sung a ahinlhangsap diu  ahi tai. Hito kilhon a chumipi le lhangpi ki loikhomna dang hon apo lam’a i bol thei chan’u i bol uva ipanna thei cheh uva imano diu ahi. Chugoh hi lou a MP election ahung um kitteng leh Parliament a i thu’u seidi leh lhang hinsam di hiche party a kuon’a MPkhat i tundoh kit ding’u ahi. Hitia chu MP/MLA hiche party a kon ihin nei houchun amaho mun cheh a inampi’u natoh (National Movement) hi ahin no chieh uvaahi leh tua i toh jing lai’u hi hatah a hung machal ding ahi tai. I ding’u lehisih uva pang ding political party inei lou lai se’uva i nam natoh uhi hitia hikivei den ding ahi.

Ijat kisei jong lehIndia democratic gam’a hi elected member ho panna lou’a hi ima hithei lou ahi.Hitler jeng jong chun Germany gam kivai pohna thagum’a lah a khel a got vang’ina jou pon, Nazi Party mangcha’n election ahin tet uvin, chua elected member hotha mangcha a vaihomna ahin lah a a gam’a kikhel na a hin sem ahi. Hitlervaihom dan chu apha e iti’u ahi po’n, thagum sang’a political party khat nuoi alhendoh hon tha  anei dan’u i seinom johu ahi. India mipi vaihomna gam’a chu thagum sang’a mipi o chie pen ahi jeh amipi thalheng hon tha hatah a nei u ahi.

Hijeh chun Kukite’njong politics tahtah bol di igot uva ahi leh tua Nampi Natoh i chie pi jing’uhatsah be leh lolhinna ding’a a kithopi di Political Party khat kilung tuoh taha i phudoh uva, i tosot soh kei uva ahi leh i lungtup ho’u i molso thei bepdi’u ahi. Chuti lou a inampi’u khuonung ding gel lou a eima angsung le eimahinna ding bou iki gel jing uleh i gam nei jouse’u eihung kilah peh chai in tin(tua tampi ki lah peh ta) gam nei lou te’n politics ijat sei jong le’u henphachom pon tin, i-tu i-cha te’u mitam te ehbo leh soh le kol’a hung pang dingahi’uve. Hijeh chun lunggel theina nei jouse’n nampi khuonung ding gel na intua i toh ban hou lolhinna ding’in lunggel khom ta’u te.

Pathien’in Kuki NampiNatohna (Kuki National Movement) i chepi jing lai’ uhi  chamlhatna puonlaap i khai doh kah se’uvin eimapui jing’u hen lang phatthei ei boh jing ta’u hen.

Lunminthang Haokip

Rebels without a Pause: A king once went candid and confessed, “I rule the land, my wife rules me, and my children rule over both of us”. Excepting the spirit-filled siblings ceaseless prayer produce in a few highly disciplined families, the youth of today are a rebellious lot. Young people rebel against anything that doesn’t suit them fine. They think they know more than their parents. Of course, they do in certain areas. But excelling in some youth-specific issues doesn’t mean they know everything better than their elders. The knee cannot be above the chin, a Kuki adage says.

The Influence of 3 Ms: Advancement in technology and its constant upgrading expose the gen-next to the wrong excesses of the three Ms – Music, Movies and Media. Computer-effected dare-devil acts of TV ads were emulated by adventurous youth at the risk of breaking their own necks. So were arson and mayhem that come home through the tube. Movie-popularized hair-style and dress outfits flood the market in no time because such stuff sells faster among young video buffs. Poor parents struggle and quarrel in bids to find the means to quell the queer insistent nagging of their offspring to get hold of the latest in branded gadgets. There is truth in the old saying; a sucker is born every minute. The frustrating part is that ads make a product known to consumers who are cleverly taxed to bear the cost of making the buys desirable to them.

Imagination Running Riot: Youth imagine a lot. There is nothing wrong in that. We all did the same in our salad days. But the times had changed for the worse. Much more are at stake today. Competition in exams or the tussle to win bread and jam for a family grows tougher by the day. The inner pressure to get a decent job early in life and set up one’s life in style makes a candidate mug like mad. No wonder failure of the over-ambitious aspirant ends up in suicide – the crime in which you are punished even if you fail. In the fast lanes of city-life, hopes and dreams die first. So, boys and girls resort to imagination to compensate for what they are not. Further upsets make them rebel against the system and think evil as said in Genesis 8:21, “And the Lord said in His heart, I will not again curse the ground anymore for man’s sake; for the imagination of man’s heart is evil from his youth”.

Risk-Ridden Highways?: Of late, in the North-East Indian state of Manipur, for reasons best known to issue-based strikers and counter blockade-callers, vandalism to vent one’s spleen on made living a displeasure. Highways had been blocked for months. Vehicles are stranded for no fault of theirs.  Drivers suffer for days with no respite in sight. Ethnic sentiments are whipped up to soar higher in the same manner price of petrol is plotted to rise and rise. Free transportation of goods that keeps trade and business going in this land-locked state of Manipur had been rendered high-risk-ridden and low-hiss-stricken. Blame It On System? Out here, as of now, life seems to play a cruel joke on us. The more we think of the volatile situation, the more we convince ourselves that nothing can be done to restore normal movement of goods. Who will blink first is not the question. It seems that the side which will blink last is going to flash the victor’s wink. Attempts to redress grievances boomerang only to dissuade prospective peace-makers to retreat and lie off. What are we to blame? The system? Who created it anyway? We ourselves. When all bids to reign in this seemingly insoluble crisis of an agitation to score notional brownie points failed to yield tangible results, why don’t we approach “The most High who rules in the kingdom of men (Daniel 5:21) and that He appointeth over it whomsoever He will .“

The Luther Approach: Martin Luther, the priest who initiated Protestant movement, once narrated this anecdote to pacify warring parties. Two hot-headed guys, who could not see eye to eye, had no other way but to criss-cross each other on a very narrow footpath on the side of a steep hilly slope which had a deep gorge below. Too hardened to make way for the fellow human being coming his way on the strait path, the two boiling commuters clashed head on, and together, fell with a crushing thud in the gorge below and became human-been. After a while, two goats, coming from opposite directions, had to criss-cross on the same narrow path. But the goats had better sense. One goat lay down on the path for another to walk over it easy. Both were saved from a head-on collision.

Created To Have Dominion: God created men to have dominion over the fish of the sea, and over the fowl of the air, and over the cattle, and over all the earth (Gen 1:27). We are much wiser than goats. Let us think and rethink and fervently pray that the Spirit of God may help us to “cast down imaginations and bring to captivity every high thing that exalteth itself against the knowledge of God (2 Corinthians 10:5)”. 

Douminlal Haokip, President- HACDAM

Kumsot tah eihin boipi jing u  Hills District Demand tunia jong State in Boina lenpen na anei eboinao hi eihon jong hahsat na genthei na tampi eto na chung uva thina hinkho jong District Demand mai maija etoh tauvin ahi, Ahin asung a cheng Kuki, Naga, Nepali, Meilhei icheng khom uve, Hiche boina hi Manipur Chief Minister tamtah in bol louva ahin lhahpeh u tunia SPF Govt. O. Ibobi Singh Chief Minister in ahin houm kittan ahinla ipedia hichom lou ham? eihon igel dan u Political Leaders, MLA/MP Inei hou hin House ahiloule Cabinet meeting a akisei leh hithei jeng ding ham tia engaito ujong hinte ahiloule amaho ahapan le ahimo ding umponte ti kinepna jong hinte, apang ding le aseiding mong ahiuve.

Mipi genthei hahsat na veding mong chu ahiuve, gelding a dei umchu Kuki Society hoilou Lamkai (Leaders) pha lhomjeh ahilouleh achom cheh egel u kitohlou kilungkhat loujeh joh ahidem? hiche hin machal na ahin pothei nadem tihi engaito phatdiu dei aume. Vetsah nan Churachandpur langa CCpur, Henglep, Thanlon, Singhat, Saikot, Tipaimukh Assembly Constitu­ency enei uve, Sadar Hills a Saitu, Kangpokpi, Saikul, 3 A/C chuleh akibol themleh, Chandel a Tengnoupal, Chandel, 2 A/C, agomma A/C-II enei uve amaho hi akibol themleh Kuki sunga umjeng kaiji ahi amaho jeng jong thinglhang mi Non-Naga Problem aumteng kitoh deh lou (one way, one Nation, one movement) umdeh lou ahiuve. Achuti ahileh Sadar Hills Issue a boina atamjing ding chu hetsa ahi, Koima ngoh ding ahipon eima Kuki Society hoilou kitup thei loujeh a Jatdang Namdang chenkhompi ho suhnoh phah kihi jing joh ahi.

Tun Re-organisation & Police District Boundaries epiding hijong leh ngaito in aumtan, Geldoh thei khat chu, Pu. Ngamthang Haokip tua V/President MPCC (I), MSCP Govt, W. Nipamacha Singh, Khanga Pu. Ngamthang Haokip in anasei Sadar Hills Boundary angaipoi, Kangpokpi, Saitu-Gamphazol, Saikul Block, hiche thum in ahopsung (Boundary) se sechu Boundaries ahijeng e tia namphu a W. Nipamacha anopsah a Cabinet decision alah uchu tunia ebolla kiseipoh lou, kipodoh lou a ahilou ahilou hungdoh gohan? chutia khat in aphading anabol khat edeilou uleh aphachehjoh hung umding hileh phachom ding ahin akhoh cheh mipi genthei naleh hahsat naho panna bei aso ding hi kichat um khat ahi, Hijeh chun ngaito thei chan ngaito phau hitin kihet khel nathei ho suhbeija kihet them nan vai ahop angaije, chuti lou a mipi lah a seidoh thei lou lunggel inei uva eima epi hamkhat hina tei dinga Sadar Hills mipi ekiphin sah khah uleh bolkhel joh hinte.

Pu. ThangminlenKipgen, MLA (Hill Area Chairman), in tuchung Cabinet Bench a, Sadar Hills is not a political Football, ati hi Leader holeh Govt. role amu jeh a sei hinte tia gel jeng ding chu ahi, Hijeh a chu mitamtah chu khat ahiloule akhoh dan chu ehetsau ahi, Sadar Hills ahiphat leh amahon kisei nauvinte, CCpur lang ahiphat leh amahon kibol nauvinte, hijeh a hi min Political Football a einei uva min abolnom nom abolji ahi. Thil asoteng anungphet ahah in eima Society joh hoimasa leh michu josa hiding ahi, Govt. in anop nop in natong jong leh atoh thei ahi, eihon kiphin na jatchom chom VIOLENCE pan in thil tamtah kisuse jong leh phachom lou ahi, vannoi leiset kivai hom na a jong hin evet leh violence panho hi a lolhing alhome, hijeh achu Govt. dinmun toh eiho panlah dan hi losam khadi ham ti hi gin mo um ahi. Adeh in gamsunga Nute (Numeiho) panlah dan hi anasa in agenthei naojong alen in lolhing nading intaona a jong hapan utin lamkai Pathen he mikitah chuleh Kuki Society kilung khat tah a ache nathei ding in Ipanna thei kham kham ma ipancheh diuvin ikitem uve.22nd Sept 2011

Sadar Hills, Lhalam,21:

Achesa Lhalam nisim 15 kum 2011 nikho a Kangpokpi, Saikul le Saitu Gamphazol Sud-Division hopsunga meithal licence neijousen Kangpokpi, Saikul leh Saitu Gamphazol Police station a nahin thahlut soh diu ahi tia thupeh kinei chu tunichan in koiman nitlouva aumtoh lhonin avel in hetthei din hiche thupeh dungjuiyin athahbeh in ahin kinei kitin ahi tin H. Rupachandra Singh, Addl. District Magistrate, Kangpokpi in aneiye. Hicheto lhon a tunikho nisim 21 Lhalam 2011 nidan 6:00pm a lhah nidan 48 sunga thon louva nahin thah lut diu ahi tin thupeh chun aseiben ahi.

New Delhi, Lhalam. 21:

KWS Delhi, KSO Delhi chuleh KWS Gurgaon makaina in Delhi leh akimvel a um Kuki ten Sadar Hills kiphin najeh a boina hahsatna toh agam miho ngailut naleh panhu na vetsahna in kithopina dangka 52, 090 tuni chun SHDDC lamkaiho henga lhung dingin a/c khat ah ahinthot uvin ahi. Delhi khopi sungleh akimvel dunga cheng Kuki chate phabep um hohin innlang boina tincheng aum tengleh kithutoh tah in panlah khomding ageljing uvin ahi. Tuchung injong Pathen henga geldoh jing pumin taona anei jing uvin kipehdohna anei naho a konna dangka hijatchu kisuto ahi tin lamkaiho a konin thulhut akimun ahi. Kipehdohna um dungjuiyin mipihon dangka 40,900 atohkhom un,  KWS Gurgaon hon dangka 1,190 alhit uvin chule KWS Delhi in dangka 10,000 alhit uvin ahi. Thulhut kimu dungjuiyin maban panlah naho injong Sadar Hills mipi te din taona to thon hungpang jing naoving e tin thumop jong akimun ahi.