Imphal, Lhalam 21(NNN):

State sung’a lou leh aai aumtapoi tia Manipur Chemist and Druggist Association (MCDA) in thulhutna aneijeh a mipi lungkhamna asolo na chu adihlou ahi tin Manipur DGP Y Joykumar in tunin hilchen na aneiyin chuleh phat boipetna thudih lou hillhang lelou ding’in temna jong aneiyin ahi. Lhalam nisim 16 nikho a lou leh aai po gari 2 kihallhah na chung’a Manipur mipi ho lungkhamna suhdaina ding’a DGP Y Joykumar Singh in tunia thuphon ahin neina achun, “State sung’a lou leh aai aumtapoi tia MCDA member hon aseichu adih hilou ding ahi” ati.

Nungkao kho kom’a Lhalam nisim 16 nikho a nitin a ngaichat thilpo gari chuleh lou leh aai po gari panna a gari 6 kihallhah na chung’a DGP in apohna aphondohna achun, “Nungkao kho kom’a Lhalam nisim 16 nikho a nitin a ngaichat thilpo gari chuleh lou leh aai po gari panna a gari 6 kihallhah na chung’a MCDA member ho akon thulhut chuleh lungkim louna (complaint) imacha akimupon ahi ati.Thuphon in aseibena achun, police department in Transporters’ and Drivers’ Council, Manipur (TDC) toh phatah in na akitongkhom’in hiche tolhon chun aphatseh in Jiribam akon’in nitin a ngaichat thilpo gari asang asang’in ahung kijollut jing’in ahi” ati.

TDC member ho akon thupeh leh lunggel dungjuiyin Manipur police in pan akilah jing’in chuleh National Highway-53 a Lhalam nisim 16 a Nungkao kho a thilsoh jouchun MR/IR Bns ho akon commandant ho panna in security akithahsem kit in ahi” tin police department akon thuphon chun aseiyin chuleh Lhalam nisim 16 thilsoh jouva kon chun boina umlouvin nitin a ngaichat thilpo gari sang val ahung kitol luttan ahi” ati.Nungkao kho a thilsoh chu pohnat umtah ahi tia anopna aphondoh tolhon’in hiche thilsoh a akihallha jouse chu kilesah ding ahi tin DGP in aseiyin chuleh hiche thilsoh chu mipi lungkham na sodohna ding ahipoi ati.

Police chief in mipi hetding’a aseibena achun, Jiribam akon lou leh aai po gari 28 val Convoy hon ahin puilhung uve ati. “Lhalam nisim 15 nikho a lou leh aai hinpo gari 26 pan ahin hiche lah chun Lhalam nisim 16 nikho chun Nungkao kho mun’a gari 2 akihallhan ahi. Hiche tilouvin Lhalam nisim 16 nikho chun Jiribam akon lou leh aai po gari 2 ahung kipandoh kit in agom’in lou leh aai po gari 26 Imphal ahung lhung’in ahi” tin DGP in aseiben ahi.

Lou leh aai semhon (manufacturers)state ading’in lou akhah tauve tia thulhut kinei chu Police department in nelkalna aneiyin ahi. “Lhalam nisim 16 thilsoh jouva pat chun lou leh aai semhon lou leh aai pohding akhah tauve tia MCDA member hon thulhutna aneichu adihlou hiding ahi ajehchu tutu hin Jiribam mun’a abanna Convoy in akilhonpi ding lou leh aai po gari 3 aumtan ahi” tin DGP in aseiye. MCDA member hon mipi ho kom’a thudih lou seilouva police hotoh joh kithokhom a sorkar akon kithopina phatah a akilah joh ding uvin police department hon temna aneiyin ahi.

Thilpo gari kihallhahna chung’a FIR jong akibol poi tia kingohna chung’a DGP in hilchen na aneina achun, Nungba police station noiya FIR No. 23 (9)11 of Nungba PS u/s 435/34 IPC akibolle ati.

Dimapur, Lhalam 21 9 (NNN):

Tunaicha a Imphal khopi sung’a bomb pokehna thilsoh chu miphalou ho machal jingna chuleh security department in phatseh a kigin na anei lou jeh ahi tin NSCN-IM in tuni chun aseiye.

Naga galguh bolhon aseinau achun, hiche thilsoh chung chang’a Manipur state sorkar in National Socialist Council of Nagalim (NSCN) chung’a ngohna aneihi vangset umtah ahi ati. “Ahin State sorkar in Naga ho chung’a lunggel hoilou akenhi lungdon ding ahipoi. Hiche hin avetsah chu sorkar in NSCN in hiche thilsoh a mopohna aneiya tia vetsah thei thil (evidence) aneilou joh chu lainat aumpeh jon ahi” ati.

Imphal khopi a um Royal Hotel a bomb pokehna thilsoh chu NSCN ho chalohna ahi tia thuso hon pan nasatah a alah uchu jachat umtah ahi. NSCN douna a media ethics palkeh a thuso hon na atoh uhi aumkha lou thil abol u ahi. Chuleh aphat toh kitoh a journalism hon hitia na atoh uhi akingaicha chu ahi. Thuso hon thil kholchilna anei uva chuleh mona neiho aphondoh diu chu akin’u ahi,” tin NSCN-IM in aseiben ahi.

State sorkar in NSCN douna a lunggel hoitah apohdoh uhi khonung’a Avella abol kit lou diuvin aphai tin galguh hon asei uvin ahi. “Thuso hon jong mipi lung sunoh phah louva adihchu ipiham akholdoh diu joh ngai ahi. Mipi ginmo a umsang’a mipi jathei hiding joh akhohjo ahi” tin thuhilna (advise) aneiyin ahi.

NEW DELHI (India), Lhalam 21 (PTI):

Delhi khopi a inmun choh ding hi mi tamtah a ding a lungtup khatchu ahi jingin, hinla amaho lungtup chu dan dihlouva kibol land mafia le Municipal Corporation of Delhi (MCD) le Delhi Development Authority (DDA) ho nehguh jeh a 1,398 acres tobang chu dan dihlouva in kisa ahin, phalna umlou ahi.

Chuban in 291 acres jong MCD in suhset ding angaito in ahin politics ahung lut jiteng, aki-nga jitai. Delhi a 1649 colony hochu dan phalna umlouva kisadoh ahin, hitobang inmun hochu agom in Dangka 12,000 crore man tobang aumin ahi, akiti.

Imphal, Lhalam. 21:

Tribal Research Institute a konna hetsahna No. 9/1/2011-12-TRI noiya kimu dung juiyin koitobang Tribal Literature Societies noiya hetpehna kineihon government phalna noiya thinglhang mite paova lekhabu sodohna dinga dangka a kithopina kipechu nahung kilah thei u ahitai tin hetsahna akimun ahi.
Hicheto kilhon a chu ahung lhungding nisim 25 Lhalam 2011 nikho tengle form kilha panding ahin agei pen a nisim 30 lhalam 2011 nikho channa pehlut thei ahi tin Z. Solomon, Joint Director Tribal Research Institute, Manipur a konchun akimun ahi.

Itanagar, Lhalam 19:

Achesa Lhalam nisim 4, 2011 nikho chun KWS, Itanagar Branch election ana um'in hiche tolhon chun kum 2 sung (2011-2013) a vaipo ding'a kilheng doh lamkai hochu Pastor : Pu. Rev. Satpao Hangsing, Chairman : Pu Khamkhogin Vaiphei, Secretary : Pu.Dr.Thensei Lhungdim, Treasurer: Pi .Dr. Elizabeth Hangsing, Members: Pu H.Len Haokip, Gl. Mangboi Kipgen, Gl.Seiboi Kipgen, Gl Mangcha Haokip, leh Pu. Lunmang Doungel ahiuve.

OFFICE OF THE ALL CHURACHANDPUR

CHIEFS J.A.C.

ELECTION RESULT

Date 10.9.2011 ni in Chief right, gam leh leitang thu seikhawm na akinei hi. Huleh Block 8(Giat) apat hungpai khawm palai teen mabaan diing khualna in lung kigual tahin vaipo diing anuai a bangin telna leh guanna akinei hi:

SI.No.                              Min Khua/Haosa                               Panna

1. Seikholun Touthang       T.Munnomjang                                  Chiarman

2. Otpao Haokip                Suongdo                                          Vice-Chairman

3. Helkhogin Haokip           Siden                                               Vice-chairman

4. Thangkholal Thangsing   Mawngon                                          Vice-Chairman

5. Thangkhenhang            Zezaw                                              Vice-Chairman

6. T.Nungkhochinpao        Tuibul                                               Vice-Chairman

7. Thangkholet Lhungdim   S.Kotnuom                                       Vice-Chairman

8. Vumchinkhup                V.Bethel                                          Vice-Chairman

9. Lunjapao Simte             Minjang                                            Secretary

10. T.Khaikhomang           Pearsonmun                                      Asst.Secretary

11. Letkholen Haotah        Gelbung                                            Finance Secretary

12. Holkhosei Touthang     Bijang                                               Treasurer

13. Paojang                      Z.Khomunnom                                  Exe.Member

14. Seingam                     Lamlai                                              Exe.Member

15. Holmang                    Makhao                                             Exe.Member

16. Khulen                       Lungthul                                           Exe.Member

17. Lianjamang                 S.Gialtui                                            Exe.Member

18. Jamkhokai                   Bongmuol                                         Exe.Member

19. Hensei                       Phailen(Hlp)                                       Exe.Member

20. Haoneilal                     Chongkhojou                                    Exe.Member

21. Sekholun Kipgen         Muolpheitampak                                 Exe.Member

22. Tongkholun                Pangjol                                             Exe.Member

23. Thangkholam              Bungjang                                          Exe.Member

24. Thangjavung               Thiekbung                                        Exe.Member

25. Songlenthang             Monglenphai                                      Exe.Member

26. Goulen                       Leisang                                             Exe.Member

27. Lalboi                         Buoljol                                              Exe.Member

28. Lalsandam                   Thingchom                                       Exe.Member

29. Laltuoklen                   Hmuntha                                          Exe.Member

30. Thiankholal                 Songtal                                             Advisor

31. Thangjang Haokip        Tuinom                                             Advisor

32. Larjarlen Darngawn      Muolvaiphei                                        Advisor

(Lunjapao Simte)

Secretary,ACCJAC

Ministry of Healthnoija kikhailha parliamentary committee hin thinglhang gamho a doctor lhahsamhisuhlhapna dingin Bachelor of Rural Healthcare (BRH) jilna thei phudohdingadeisah nao aphong uve. Thinglhang gam’a doctor lhahsam danhi thilkhohtah ahin,aganna thei pena suhtup angainai, ahinlah thinglhang gamho a dinga atumbeh amedical course thahkhat phudoh ding kitihin aboina hi sulhamjou ponte. MBBShohin mijen nathei thepna aneitheina diuva hoitah a avettoh nung uva kumngakijilsah ahin, kumnga sanga lhomjo ahinjil teng uleh ahetnao lhasam ding tinaahidelle. Thinglhang hihen, phaitol hijongleh mihem tahsahi kibangchet ahi.Thinglhang mihochu MBBS sanga themmo jep honjong jenthei nante tia lungelkineihi kichat umtah ahina ban’a ibolla thinglhang mihochu dangdatna naboluham? tia thudoh bolthei khopset ahi. Buhse, khosih, ehkho kiti hohi MBBS monghihih jongleh damdoi langa hetna themkhat neihon ajen jengthei ahi tia lungputkinei jonghi thil dihloutah ahi. Ajehchu, abang komleh hichi natna neocha igelhouhi natna lentah TB, HIV ahilouleh cancer symptom anahijin ahi. Thinglhangmite damthei nahi hetna neibeh sehlou doctor ho khutna luidoh thei ahipoi. Koikijen sanga, adam moho dinga aphalou cheh sodoh nathei ahi.

Masang laija damdoihoitah kisemdoh masangchun, China gam’a ‘barefoot doctors’ tia kiminvo kengkeova lamjot doctor hochun thinglhang gamho in lolhingtah in na anatong uve.Hetding khatchu, BRH kiti jonghi China te thilbolhi kithogo hileh akilomme.Doctor them holah akimai phapon, athem louho thinglhang gam’h kigoileh tialungput inei masang uvahi, ibolla doctor them hohin thinglhang gam’a na atohnomlou uham tihi kholdoh ngaijinte. National Rural Health Mission aum vanghin,health sector’a sorkar natoh danhi lunglhai aumpoi. Doctor hohi thinglhanggam’a posting akipeh teng jongleh mi ajen’a diuva angaicha damdoi leh manchahho akipeh thapoi. Achutileh, doctor themtah kisollut jongleh abolthei behsetumlou tina ahi. State phabep vanghin hichi boina suhlhap nadingin tohgon aneiuve. Vetsahnan, Tamil Nadu a khu MBBS chaihon aban asimsang nom uleh thinglhanggam’a kum phabep na atoh-u ngaija ahi. Thinglhang mi hochu second-class citizenchanvou pehsanga, hitobang tohgon hochu state dang honjong apohdoh theiju ahi.

Mihemhin damtheinaakigelkhoh pennin, idam pouleh sumlepai chu ollin kilam nahta tin isei jiuve.Thinglhangmi hohin dammona sangtah aneiteng uleh phaitol sunga lou-inn ahinjonjiuve. Sorkar hospital holah deibanga gangtah a kijen nathei ahibehpon, gang deovakijending adei uleh private hospital ajotnu angaijin, hichulah sum ahalutvaljeh in koimapou jodan ahikitpoi. Private hospital hohin neilou genthei homanbeijin jennao vinge tia sorkar kom’a kitepna aneijuhi milham hon akihepon,chuleh lou-inn neiho jong akihet mosah jeng uve. Hijehchun, tunaicha chunSupreme Court hin ibolla private hospital hohi hotel banga kigel uva, thilneochakhat atohnao chunga jong adammo ho koma sum alah u-ham tin dohna aneije.Akiman chahnao adang hochu kiseida taleh, neilou genthei ho ajendan uhi thudohneithei ahi. Ama hohin neilou genthei ho manbeijin jennao vinge tia lou-innsahna dinga gambeh hi manbaitah a sorkar koma akichoh u-ahi. Akitepnao dungjuija OPD a kijenho 25 per cent chuleh admit kibolho 10 per cent hi manbeija ajendiuahi. Ahinlah, akitep naohi donsen anei pouve.

Private hospitalhohin akitepnao peldohna dinghin lungthim thuhtah akengun, mivaicha hochu admitabol daovin, ahilouleh admit abol-u jongleh sum tamtah alahpeh jiuve. Migentheihochu khutdo banga agel’u ahi. Hichi lungput aneijeh uvahi Delhi High Court’nprivate hospital ho koma gam nathumlai uva nakitep naochu geldoh uvin atipehahi. Sorkar hin private hospital ho kimanchah danhi avettup joulou tina ahi.Sorkar hi anopleh private hospital hohi akitepnao banga achelhahsah thei ahi.Hospital hohin admit kibolho 10 per cent hi manbeija kajen uleh kagot tahloudiuham atiuvin, ahinlah asum mudan uhi ivetleh gonaisai loudiu ahi. Privatehospital hohin kithopina peuvin kiti ahipon, amavang migenthei ho ‘rights’ chupeuvin tijoh ahi. Damtheina lang semhoina dinga sorkar hin healthcare dinga sumahasen angaije. Primary health centre hohi kisem hoileh thinglhang gam’a adamohochun phaitol langa lou-inn ahin delkhoh angai tapoi. Ipi kisei diham, GDP 1per cent bouhi healthcare dinga kikoidoh ahijeh hin igamsung uva damtheinalanghi lhasam pehding tina ahi.

Amasan namang’a jong nana matphahlou MP khat nahung hi’a nanam mite jouse thalheng di’a Delhi Inpi munna na hungtou thei: nachung’ah kaja na Salam kahin pe’e.Lungset um leh pohnat umtah nanam mite khang thusim ho baithet insumil’in natin nangai lu’a nang let nathei di’a tha le jung panna a VOTE manlutah nahin pe ho hiti hin baithet in sumil in nate ti hi muntin’a cheng na-nammite ki nep na ahipon ka Dictionary uva jong a-pang pha poi. Ahin “LAL NGAI LOULAL ANAI” ti na-na tho hitante na? Hindi film hi le vang  Last-Fighting teng nachan ding nal lheh inte.PuThangso Baite, anoi ja thudoh neocha-cha ho-hi nanam mite het thei din neihindonbut leu chun kipa um minte:

1. Piding’a Sadar Hills Districthood Demand Committee ho nakom’a ma nang panpingaicha’a ahung uva chu Kei Government Mi kahin Kikum thei pong’e ti’a nanadonbut ham?

2. Government nahung hi nathei di’a nahin sondoh, nahin boipi’a VOTEmanlutah nang’a di’a hinpe Sadar Hills mi ho chu koi ham? Na kom’a hung ho chujao lou hiu va ham?

3. Lamkai hokom’a nasei thu-cheng hi nahet na nasei ham? nahet lou va nasei ham?  

4. Lamkai ho chu amachang phat chom nading ki holla hung’u ham? Mipi’a di’a hung’u ham?

Tu chung Sadar Hills issue hi tu-naicha’a hung um/soh doh thil thah ahi lou nahet ding katah san’e. Kum 40 jen-jennanam mite a-chan di’a lom achan lou jeh uva: genthei na sangtah ato ulehmi-noise achan jing’u Qualified MP khat na hi leh nahet jing tei ding ham tinkahin kineppi lheh’un, hinla na-na he pha poi. Hahsat na leh boi pet tah’a lungdon sei nathei lou, belthei lou van a na um hi lunggel thei na hi’a  Chih na na-nei nah leh nadam sung’a nanammite kom’a kei hi”THANGSO BAITE” kahi tin avellin sei kit tapon nate.

Hitabong dinmun na aki din lai tah’abelthei lou MP khat Kuki cha ten ka nei khah u hi vangse kaki sa lheh uve. MPkhat na hi thei na di’a pan la’a nahin tungdoh nanam mipi Lamkai ho Bihari hodanna nagel hin nampi lungthim asuna lheh jeng’e ti phate chan kimel chihjing’in. Nanam mite kana, kipana, hahsat na leh genthei na ho he’a NAM natongding’a ka-nei uham ti’a kana gel u-chu Sonia Gandhi le Ibobi na-tong joh nahidan ahi.

Hin, Nanam miten kathum u lehkangeh’u hi kamu kah’u va genthei hahsat na tampi toh ding hi’u jong leng kahinma-no jing diu ahi. Thi-na thei ja kahung thi diu, Bu-ngol na thei’a kahin ngoldiu, sa-goh keu va umnathei ahi jong leh kahung um nah lah diu ahi.

Nanam mite dou na’a na thu sei hikasei khel tai ti’a Ngaidam nathum tokah’a itih chan hijong leh nachung’akilungdam ta-lou ding ahi. Sadar Hills Districthood pilhing ahi na thei mai-maidi’a bon nanam mite baithet na nasei lep thei leh; hiche sang’a sang jo’a thilahung um teng vang leh IBOBI leh Sonia Gandhi het phah na mun’ah jong um tapon nate.

Kathum uleh kangeh u-hi Pathen in eilolhin sah thou-thou diu ahi. Sadar Hills District ahung kimu’a Inaugurate akibol niteng mipi masang’in VIP seat ah na tou ngam di hinam? Hou Lim lechun“NAM-NGAILU” ka hi na ti ngamna-lai dem? Thi leh Hin ki-kah’a ding nanam mite sei lep’a sumil jeng thei PuTHANGSO BAITE, MP’a ka hin nei khah u-hi VOTE ana pe’ah Kei ho suh mo ahin:Vangse kaki sa uve.

Keima,

Lien Touthang, Saikul SadarHills.

Kanggui, Lhalam 19:

Tuni Sadar Hills District League kichepna’a Pangjang Youth Club, Muvanlai Athletics leh SC.Laogas in goljona aneijun ahi.Kichepna masa’a, Pangjang Youth Club leh NINOU FC ana kichem’in Pangjang Youth Club in 4-0 a NINOU FC ana jouvin ahi. Minute 17 in Pangjang YC lang’a Jersey No.17 Sehlun in Ninou FC lang’a goal khat ana khum’in ahi. Minute 42 in Lamminlen Jersey No.7 in goal khat anakhumben Pangjang YC ten Ninou FC chu goal ni in ana makaijun ahi. Phat kichai konlam minute 57 leh 58 in kijom’in Pangjang YC lang’a Jersey No.22 Thanglenmang leh Jersey No.21 Satgoulen in goal khat gel anakhumbe kitlhonin NINOU FC te chu goal a ana joutauvin ahi.

Kichep anichanna’a, Muvanlai Athletics in Saikul Hill Town 2-0 in ana jouvin ahi. Minute 36 lhinin Muvanlai Athletics lang’a Messi bang’a goal khum themtah-a kihe Jersey No.5 Ginkhansem in Saikul Hill Town lang’a goal hoitah khat anakhum’in minute 45 in Thangkhosem Jersey No.10 in goal khat ma anakhum kit-in ahi. Hiche hi Thangkhosem ding’a tournament sung’a a goal masapen ahinalai jin ahi. Ginkhansem ding’a tunia a goal khum hi tournament sunga ding’a a li channa ahitai.

Kichep athumchanna’a, Sahei SC leh SC.Laogas in kichep vetnom umtah le kithuhtah ana neilhonin ahi. First half kichaiding kon minute 25 in SC.Laogas lang’a Jersey No.12 Lalneo in Sahei SC lang’a goal hoitah khat anakhum in kichep kichai konin goal khat’a ana makaijun ahi. Minute 53 don’a SC.Laogas defender pan Sahei SC striker pa D box sung’a anahel lhuhkhah jeh-in centre referee pan penalty anapen, Sahei SC lang’a Jersey No.13 Seilen in apeh-in hoitah in lethuhna ana neijin ahi. Phat kichaikon’a goal khat khat-a kibahna aneilhon jeh-in alang lang’a hatah-in akinoto lhonin ahileh Minute 58 in SC.Laogas left winger pan passing naltah-a ahin kai chu Thangneo in aluchang’a hoitah-in Sahei SC te goal sung’a ball chu anatat luttan ahi. Hiche hin SC.Laogas te goljona anapetai.

Kohima, Lhalam 19 (NNN):

Tuni nikho chun kohima a ki kapto na ana um in mi 1 athin chuleh 3 aki tong khan ahi. Thulhut kimu dung jui jin Assam rifle ho leh Maruti Gypsy khat a tou mi phabep akikapto uvin hiche thilsoh hi AOC Kohima south police station kom‘a soh ahi . Assam Rifles PRO Mr Velu, in asei na achun, Maruty Gypsy a mi 4 in meithal ahipo uvin, Assam Rifle hon kinga ding’a asei uleh Gypsy sung’a tou hochun ahin kap masat uva,Lethuh na anei nauva gari tolpa akaplih u ahi dan jong aseiyin ahi. School chapang khat jong akisukha holah achun apang’in adang mi 2 vang chu ahileh Assam Rifle ho ahin, tu`a hin akisu kha teni chu Rangapahar Army hospital, Nagaland a aki jen lhon’e ati. Assam Rifles akon thulhut kimu chun asei na a, athi pa hi NSCN-IM a pang ahin tu masang jep a chu Khaplang ho lah a jam lut ahi ati. Alangkhatna thulhut dang khat in aseina achun, athi pa hi pastor ana pang lui Kelhova Angami (34) Merima kho akon ahi ati.