New Delhi (India), Lhalam 16 (PTI):

Petrol man Dangka Rs. 3.14 p/ltr a akal tolhon in sorkar in kum khat a inn-son a subsidised LPG cylinder 4-6 bou peh ding agel tan ahi.Hiche chung chon a angai chatbe a ahile, market price Dangka 666 (per cylinder) a akichoh be ding ahitai, ati.

Hiche Empowered Group of Ministers (EGoM) ki-khopna chu Finance Minister Pranab Mukherjee makaina a ana um ahi. Hiche hi car nei, two-wheeler, in-le-lou chule income tax list a pang hoding a bou kisei ahiye.

Alhangpi in in-son a 14.2 kg LPG cylinder nikho 45-60 chan kimang ahin, hijeh chun kum khat a cylinder 6 bou kimang doh ahi. Hinla tua record um dungjuiya kum khat le in-son a cylinder 20-30 kimang doh peh ahi. Sorkar in subsidised abol a cylinder 1 a Dangka 394.35 kipe ahin, market price achu Dangka 666 lhing ahitai.

Hiche hin avetsah chu subsidised kipe cylinder tampi chu sumtong holna a kimang ahi. Subsidised kibol hi lhom hen lang hile state-own company ho mang behseh lou ding ahi, tin EGoM chun aseiye.

Imphal, Lhalam 16 (NNN):

Kerala apat state child welfare committee in ana huhdoh Manipur akon chapang mi 8 hochu tunin a innsung mite kom’a pehdoh ahitauve.State sung’a vaichat na holeh gentheina ho chungvum’a kum japi galguh bolna ho pansatna a neiya chapang a kiveihon Manipur sung’a chapang ho adeiphat phatna apuimang tauvin ahi.

chapang mi 8 hochu Manipur apat Muslim khangdong mi 2 in Islamic seminary ading’a ana kipuimang masang uva Kerala aum Jal Seva Sichu Bhawan akon volunteer hon ana huhdoh u ahi.Akihuhdoh chapang ho seidan’in manbeiya themjilna kapeh ding nahiuve tin eipui uvin ahin hunam in inn he leh lhong eitheh sah uvin thupeh kajui lou uva ahileh eivo uvin ahi ati.

K Pradeep Kumar, secretary, Child Welfare Committee (CWC), Imphal West in thuso miho kom’a aseina achun, Muslim khangdong mi 2 Imphal East hopsung Khabeisoi Sabal Lekai akon Shahir Ahmad (25), s/o Najir Khan leh Rahis Khan (23), s/o Md Iboyai, in Bulte (Feb) lha chun Kerala a um Islamic seminary kiti amin Khadee Jattul Kubra Islamic Trust a manbeiya themjilna kapeh ding nahiuve tin chapang mi 8 hohi ana pui lhon ahi.

Jal Seva Sichu Bhawan akon volunteer hohin police ho kom’a complaint ana bol uva chuleh chapang hohi hunam a akibol amu jou uva chapang a kivei teni khutna kon ana huhdoh u ahi.Hiche tolhon chun chapang ho chung’ thanei ding kichuna in Khadee Jattul Kubra Islamic Trust leh Jal Seva Sichu Bhawan in Kerala aum chief judicial magistrate court a nasatah in ana kiheh uvin ahi.

Lhaphul (May) nisim 13 nikho chun Aluvakulum district police chief in hiche thilsoh chung chang’a Manipur ADGP hetsahna ahin neiyin hiche tolhon chun ADGP in state social welfare child committee a official ho kom’a chapang ho hinle puiding’in temna ana neiyin ahi.

Lhatun (April) nisim 5 nikho chun Kerala a um chapang hochu CWC in inn lam’a puidoh ding’in Kerala ana jon uvin ahin chief magistrate court a case akichainai lou jeh chun chapang ho puidoh thei louvin CWC ho inn ahung kilekit tauvin ahi.

Hiche jou chun CWC team hochun Lhalam (Sept) nisim 4 nikho chu chapang ho puidoh ding’in avellin ana kalson kit uvin hiche tolhon chun court in chapang mi 8 ho lhadohna ding’in court ordered ana pen ahi. CWC Imphal East member Premjit makaina noiya CWC team hochun Lhalam (sept) nisim 12 nihko chun chapang mi 8 lah a mi 4 ahinpuidoh uvin Imphal ahung lhung uvin chuleh adang chapang mi 4 hochu CWC Bishenpur a membet K Maharabi makaina in Lhalam (sept) nisim 14 nikho chung Imphal ahung lhung uvin ahi.

Akihuhdoh chapang hochu tunia a innsung mite akipehdoh masang’in Lhalam (Sept) nisim 15 nikho chun state social welfare department hon chapang hochu doctor ho ana vetchilsah u ahi.

Achesa Lhalam (Sept) nisim 16, 2011 janhi nikho a “Parliament Act, 1971 doudalna a economic blockades kikoi ladoh ding'a KUMHUR in temna nei” kiti chu “Economic blockades lha ong ding’a KUMHUR in SHDDC leh UNC temna nei” joh hiding ahi.

Lamka, Lhalam 16:

Zomi Revolutionary Army(ZRA) Designated Camp Muvanlai, 1st Anniversary Camp hondoh nikho lopna jing nikho Lhalam nisim 17,2011 nilhah lang nidan 1:00 teng umding ahi. 1st session kin’a hi Jin-gun’a Pu.Hangkhanpau Honble MLA Singngat A/c pang ding, Kinnei pa’a Pu.L.B Sonna, Chairman Zomi Council pang ding, Jin-jaum ah Pu.Langkhanpau Guite, Chairman ADCC, pang ding chuleh Kin-deichom’a Col.J.S Mundi C.O 1/11 G.R pang ding chuleh Chief Host ah Pu.K.Guite, Adviser, ZRO pangding ahi.

Hiche kin’a Pu.G.S Haupu, Special Contrator in Stage no a neiding, Pastor.Suanzalam P.C.I Singngat in Pathen kom’a thenso na aneiding ahi, chuleh IInd Session kin’a LIVE CONCERT umding hiche kin’a Pu.Ginsuanhao UZO, President Jin-gun apang ding, Pu.Pumzanang Kin-nei pa’a pang ding, Jin-jaum ah Pu.Mangbeldem pang ding chuleh Kin-deichom’a Col.Vineet Sharma,C.O.39 A.R pangding ahi.

Lamka, Lhalam 16:

“Youth Initiative for the Publicity Message of Development & Peace in Manipur” toh kisaiyin Central apat UP Singh, Dy Director Special Programe NYKS leh Manipur apat in Smt. Jackie Ruivah, Zonal Director, NYKS Imphal Zone tenin tunin project visit dan in Churachandpur District ahung pha lhon’in ama nin Youth Club chom chom ho kimupina anei lhon’in, chujouvin Pu.Henkholun Doungel @ H. Doungel,Co-ordinator ,NYK/Ccpur leh a atoh khom pihotoh interaction aneikhom uvin ahi.

Lamka, Lhalam 16:

Primary Teacher leh Upper Primary Teacher lah nadia Teacher Eligibility Test (TET) tunin Imphal mun’a exam centre chom chom’a Exam akipan tan ahi. Tuni’a TET exam achun CCpur District sung’a kon candidate 3000 val in exam abol uvin ahi.

Lamka, Lhalam 16:

National AIDS Control Programme noiya BRGF Resource Centre Deputy Commissioner, CCpur Office mun’a One Day Consultation on NACP – IV toh kisai tuni jinglam nidan 10:00 chun kichuh na kin aum’in ahi.

NACP – IV thua Consultation programme achun K. Thansang Addl. Dy Commissioner in Jin-gun in apang’in chuleh aman Jin-gun hina in programme hongdoh na aneiyin ahi.

Chuleh Dr. HL Liensang CMO/CCpur Kin-neipa in apang’in chuleh hiche phatsung’a Rev. V. Khamvum, M.Div, MET (Holland) in “ regional Consultation Meeting with Churches Leaders on strengthening Churches’ Response towards HIV” ti thupi mangcha in ahung kikhom ho thuhil na aneiyin ahi.

Lamka, Lhalam 16:

Mercy Home D. Phailian akon staff hon jing nikho Lhalam (Sept) nisim 17,2011 jinglam nidan 11:00 teng tibukimlou ho vetkolna ding chung chang thu “Training on Disabilty Management” toh kisaiya kichuhna (training) anei ding’u ahi.Hiche kin’a Dr VC Pau Tonsing District AIDS Control Officer Ccpur, resource person a pang ding ahi.

Lamka, Lhalam 16:

District Health Society (DHS), Churachandpur tohgon nanoiyin tunin Henglep Block sung’a Mobile Medical Camp Chongkhojou kho’a mun’a aum’in ahi. Chuleh jingnikho Lhalam (Sept) nisim 17,2011 nikho teng Thonlon Block sung’a Leijangphai kho mun’a umding ahi.

Mobile Medical Camp ahi Doctor 5 in adamlou ho vetchilna anei uto lhon’in Opthalmist -1, ANM- 4 leh Pharmacist -1 in doctor ho kithopi na anei uvin ahi. Hiche chung chonna Mobile Medical Camp a District Malaria Dept, District TB Dept, Dist Family Welfare Office leh District AIDS Control Office apat staff ho jong apang uvin ahi.

Lamka, Lhalm 16:

Manipur State sung’a MOBC noiya District ho’a nakitongdoh ho velha ding’in Assam apat in Bipin Chandra Gohain, National Level Monitor in Manipur tunin ahunglhung tan ahi. Hiche tolhon’a jingnikho leh Chandel District sung’a MOBC noiya na kitongdoh vetlhah na aneiding chuban’a Lhalam (Sept) nisim 19,2011 nikho teng CCpur District sung’a MOBC noiya nakitong doh ho jong vetlhah na aneiding ahi.