Los Angeles,Lhalam 10(PTI):

Hollywood star Gwyneth Paltrow hi aban’a athoding film thah `Thanks for Sharing`kitia hi recovering sex addict a kichem ding ahi tin akiseiye tin thulhut khat chun aseiyin ahi. Kum 38 a tah Oscar winning actress nuhin stars Joely Richardson, Tim Robbins leh Mark Ruffalo jong pan nading film hi thoding’a signed abol jou ahitai tin website thulhut khat chun aseiyin ahi.

Stuart Blumberg, hiche film directing debutbolding pahin, hiche film hi sex addiction a boina nei mihem ho thusim ahin chuleh atho hodinga jong "perfect" combination hiding ahin act abol ding kal’u kangah lel’e tin aseiyin ahi. "Hiche film  thoding hin Gwyneth, Mark, Tim leh Joely khel’a perfect hijoding actors adang kahepon ahi.Chuleh a unique leh formidable talents aneicheh-u apohdoh uva hiche characters ho atah banga ahindoh sah ding kal’u kangah lel’e " tin Blumberg chun aseiyin ahi.Paltrow hi hiche film’a businesswoman Phoebe a kichem ding ahin chuleh Richardson hi Robbin jinu Katie a kichem ding ahi tin thulhut khat chun aseiyin ahi.

Washington,Lhalam 10(ANI):

Denise Richards chun ginchat loubeh-in khat vei lha 8 naovop kahi laiyin Simon Cowell toh “bizarre blind date” kana nei lhon’e tin aseiye tin thulhut khat chun aseiyin ahi. Actress leh Charlie Sheen ji lui nuchun, koiyin ipi angaito-a ahilouleh ipi agel’a music mogul Simon tohin  blind date neidinga agon’u ham imacha kahe phapoi tin aseiyin chuleh Simon hi “hot piece of ass” ahi tin jong aseiyin ahi.

“Lha 8 nao kavop laiyin group dinner khat kanei uvin date ahi mong’e tia jong lah theibeh lou ahivang date loudinga Chula kilom thei behlou khat kana toh kha-in kalung aboi lheh-in ahi.Koi pen’in agon ham ahilouleh kaloi khat tou kichem’a agon ham tuchan hin kahe chen naipoi!” tin Contactmusic thusoh chun Richards hin tweeting abol’e tin thulhut na aneiyin ahi.“Date tah tah ahi ti ana helangnom ding ahi!!! Simon hi kihoupi nomtah chuleh mibol thei tah hot piece of ass! ahi” tin actress nuchun aseibe in ahi.

London,Lhalam 10(IANS):

Actress Kate Winslet chun bol lou thei louva akibol jivang’in camera masanga sagoh keuva um hi hatah-in hah kasaan chuleh bizarre leh unethical kasa lheh-e tin alunggel aseiye tin thulhut khat chun aseiyin ahi.

Oscar-winning actress Winslet, "Titanic" leh "Mildred Pierce" film’a nude scenes bol nuhin, nude scenes bolhi hahsa kasan chuleh  kakitopipoi tin aseiye tin femalefirst.co.uk thulhut chun aseiyin ahi. "Theng tah-a seiding’in nude scenes hi kathei nom mong mongpon ahi.Hithei hileh hiche tobang scenes hi tua pat khonung chan’in abol’in kibolda beh leh kanom’in ahi.I Hiche tobang scenes hi apan lou nadinga ijat complain akibol jongleh akikah lha chom dehpoi" tin Winslet chun aseiyin ahi. Actors khat aki hijeh hin min beitah ding dan’in agel’in ahi. Kana tohkhom pi numei dang jong abaiye khoh kasapoi ti a umding kaging chapon tah jong ka tahsan poi " tin aseibe in ahi.

Nevada,Lhalam 10(ANI):

American singer-actress Miley Cyrus hin tunai cha chun ajet lang khot chong’ah Hindu religious symbol `Om`kiti  tattoo thah khat akisut’e tin thulhut khat chun aseiyin ahi. Cyrus,tattoos langa thanop lentah nei nuhin masanga jong ajet lang khot jung laiya “karma” kiti thucheng anakisut sa ahitan chujongleh, “tahsa chunga thucheng hihen lang thil jem hijong kisut hi kadeiyin ahin meaningless tattoo vang kadeipoi ” tin ana seiyin ahi.

Hindu te reincarnation concept chunga tahsan nalen tah neinu Cyrus hin Lhamul(July) nisim 17 nikho chun  tweet abol’in  hiche-a chun, “Dear Universe kahinkho kit leh lungset tah-in marine form of life neiman sah tei teiyin chute leh kahinkho man lhingset ding ahi.Ajeh chu tui hin kalung thimleh kahinkho nasatah-in acholdam sah-e:)” tin asun’in ahi.

Cyrus in “Om” leh adang dang Hinduism concepts/symbols ho-a lunglut na anei kipapi leh lamtona-in acclaimed Hindu statesman Rajan Zed in Vahchanni a Nevada (USA) a thulhut khat anei na-a chun, Cyrus hin fashion langa alunglut na chung chon’a akaltou be-a Hinduism offered abol rich philosophical thought hohi  explore abol ding’in tepna leh ngeh na aneiye tin thulhut khat chun aseiyin ahi.

Chujongleh kei ahilouleh Hindu scholars dang koipen hijong leh kipah leh thanom tah-a Hinduism langa exploration leh comprehensive understanding anei thei nadinga kaki thopi ding’u ahi tin Zed chun aseiyin ahi. Zed, Universal Society of Hinduism a president pahin, Hollywood celebrities hohin hatah-a lungneng aken uva chuleh beyond superficial langa ache uva ahol gil’u angaiyin ahi.Ajeh chu Hinduism concepts hi kum asang asang masanga evolve anahi ahitan hijeh-a chu phatah-a kholchil’a sim ngai ahi tin jong aseibe in ahi. Chujongleh Cyrus hin Hinduism langa firsthand experience anei thei nadinga amatoh kinaiya um Hindu temple khat pen pen avil ngai ahi tin khosah na neitah-in aseiye tin thulhut khat chun aseiyin ahi.

LONDON (England), Lhalam 10 (Bureau Report):

Tottenham le Queens Park Rangers techun Los Angeles Galaxy a Major League Soccer contract anei kum lhun a abei ding ahi tolhon chun David Beckham lahlut na neiding lunggel aneiyun ahi. Hiche kum 36 a upa midfielder pahin, MLS off-season chai chun Tottenham to training ana neikhom in, chule manager Harry Redknapp in ahung lhung ding Tolbol (Jan) teng soikai lutna nei ding thanopna aneiyin ahi.

Chuva chun, “David Beckham jah a kanom poi, nati thei lou hel ding ahi. Koi koi club hijong le amahin pohdoh tampi aneithei ahi” tin Gansemni (Fri) nichun Redknapp cin ana seiye. “Kum masa chun keiho henga kichuhna ahung neiyin ahi. Player hina chule mihem khat hina a ki-kom pi le ki-vop pi nomtah pasal khat ahi” tinjong aseiyin, chule, “Amahi top-class professional khat ana hi ahin, golhang (players) hon avet ton a ngaisang a akoi khat ahi najeh injong aum ding chu deisah khat ahi” tinjong Redknapp chun ana seiye.

Hinla Beckham hilai a soikai lutna ding dinmun chunga, Redknapp in “Kehepoi. Sum-le-pai dinmun chule iti lam a kigong ding ham tichu kahe hih beh’a, ajeh chu chairman pa toh hiche chungthu a ka kihou lim lhon naipon ahi” atin, “Ahin, amahi hilai mun a ahun glut ding chu kadei lheh’e” atin ahi.QPR in hiche Manchester United le Real Madrid player luipa Premier League newcomers a hinpoh lutna dia lung thanopna anei chu aneipa Tony Fernandes akon tweet bolna khat a ana sodoh in ahi. Chuva chun, “Hiche thu hi chairman Tony Fernandes to ki-houlhah na kanei lhon (nai) poi” atin ahi.

NEW YORK (United States), Lhalam 10 (Bureau Report):

Defending champion Rafael Nadal chun, US Open semifinal a Andy Murray to kitet ding dinmun semdoh na in Gansemni (Fri) nichun Andy Roddick chunga 6-2, 6-1, 6-3 in kichep ana joutai.Chuva chun, 2003 champion Roddick chunga Nadal in 10 meetings (kichep) aneina akon seventh win lolhinna chu ana kilah in, chule kum 29 a upa American pa amal kisuh mona jeh jong chun Spaniard pan all-court dominance – kichep apumlo nachu ana hatsah lheh in, kichep ki-dintepina nasa leh suboithei ding dinmun ana toh tapon ahi.

Kum masa hilai mun a title pachanna ana lah tolhon career Grand Slam lahna nei kum chapang pen hung hi second seed Nadal chu tuahi a-fourth (successive) US Open semifinal kichem ding ahitai. Hiche chung chon’a, America te John Isner chunga four-set win neiya last four lhung Murray chunga tu-masang jep nipilai a French Open le Wimbledon a kichep ana jona hin ichan ham a palah lolhin theina ding lung aken sah din aum’e.

Chuva chun, “Match kipat nachu apoimo lheh in ahi. Andy in Vanghomni (Thu) nikho a (David Ferrer ki-maitopi in) match hahsa tah khat ana neiyin, ahin amahi champion kichep bolthei tah chu ahi” tin, set khatcha jong dropped neilou a semifinals ana lhung’a chule dahkal 2 lhin nading minutes 7 vat’a Roddick ana galkai Nadal chun aseiyin ahi. Chule, “Andy Murray to kichep hi nom kasa jingin ahi. Amahi tour adia player talent nei chung nungloi ahi. 2008 kum a final alhun chun eina jouvin ahi. Tua ama to kichep ding hi match lunglut le thanop umtah chu hiding ahi” tinjong ana seiye.

Tuni kichepna achun Spaniard pan second set chu first game break khat to kilhon in kalson kicheh le lamjang na – tone ana sem in, chule seventh game na a two-ets lead makaina nei nadin 4-1 ana ma-chal in ahi. Langkhat a Roddick chun first game break points 4 ana ki-suh mangin, hiche aga chu, apet tah a 2-0 a ana kheh suh na neiyin, ana kilo peiyin ahi. 0-3 a American pachun akeng malphe adin medical time-out ana ngaicha in, hinla hichun Nadal chunga aki-chep panlah boina ana lhamlha deh jou pon ahi, ajeh chu Roddick in a-21st seed dinmun bang bep chet in ana chalh jouvin ahi. Chuti chunm hiche one-sided affair kitetna chu, muijang jel - precise winner, khat panna in eighth game nachun ana he-theng tai.

LONDON (England), Lhalam 10 (Zeenews Sports Bureau):

Aki-tetpi Indian pacemen hon scoring chelhah kalson na tin jou le venjou a ana koi tahlou tolhon in England in kichep-golseh kitena achun goljo lolhin na 3 wickets in ana kisan tai.Hiche’a India in limited total (on the board) a kichep panlah na ana neinah nah vang chun aki-maitopi home team ten ODI series a 2-0 makaina aneiyu chu ana su-tang jou tapouve.

Chule, spinners Ravindra Jadeja le Ravichandran Aswin in five wickets ana lah lhon vangin, team lolhinna ding – first win, semdoh najou ana hitapoi.Hiche’a chun captain Alastair Cook (23) Munaf Patel in ana lahlhah tolhon chun India in Ennglish camp lam ana vutlut in, game kichep makaina neithei dingin ana kilom man un ahi.First half lam chun Jadeja (78) in India total 134/7 post nadin, top order ho English pacemen ho masang a meidoi tah a ana lhuh nungin, innings gunchu tah ana podoh in ahi.

Chuban a Ashwin (36) off 19 balls injong kichep hung vaikon te panlah huna phatah ana neiyin ahi. Dhoni injong Jadeja to partnership poimo khat semdohna neiyin fifty khat jepdoh tothon panlah gunchu na phabep ana podoh nan ahi. Hinla amachu 69 runs score a Tim Bresnan in run rate anei got pet in, ana lalha tan ahi.Panla man le chat man beh louva ana kila lhajing player 5th channa chu Suresh Raina (21) ahi. Panna umlou ding tah a Stuart Broad (ball se) jep agotpet a alhu ahi.Tuahi, team teni hin, England a outing manthei lou tah ana nei najou a whitewash toh thei ding dinmun India in anei jing tolhon in, Lord’s a fourth ODI kichem diu ahitai.

Team
England (Playing XI): Alastair Cook(c), Craig Kieswetter(w), Jonathan Trott, Ian Bell, Ravi Bopara, Ben Stokes, Tim Bresnan, Stuart Broad, Graeme Swann, James Anderson, Jade Dernbach
India (Playing XI): Parthiv Patel, Ajinkya Rahane, Rahul Dravid, Virat Kohli, Suresh Raina, Ravindra Jadeja, MS Dhoni(w/c), Ravichandran Ashwin, Praveen Kumar, RP Singh, Munaf Patel

NEW YORK (United States), Lhalam 10 (Zeenews Sports Bureau):

Fifth seeded pair Rohan Bopanna le Aisam-ul-Haq Qureshi chu Misemni (Sat) ni a US Open doubles wvwnt kitetna a losamna toh in apot lhon tai.Hiche ‘Indo-Pak Express’ tia jong kihe Indo-Pak duo teni chu Polish pair Marcin Matkowski le Marvisz Fyrstenberg anga 6-2, 7-6 (7-4) in semifinals kitetna a ana losam lhon in ahi.

Hiche (kichep) masang chun amani hin British pair Colin Fleming le Ross Hutchins kop teni chu three-stter kitetna nasatah khat a goljona neiya US Open men’s doubles event semifinals ana kaidoh lhon ahi.

WASHINGTON (United States), Lhalam 10 (Bureau Report):

American boxing star Floyd Mayweather Jr chun , British boxer Amir Khan in ama ki-suh topi (fight) nadia right – thanei na aki-lodoh angaiye, atin ahi. Chuva chun, “Keito ki-tham nadia right nalodoh angaiye” tia Mayweather thusei chu media in ana sodoh in ahi.

Lhalam (Sep) 17 nia, lha 16 ahung kichol nunga ring sung alut kitna masa pen dia against Victor Ortiz to fight neiya kichep hin lebol kit Mayweather in aseina a, ahung lhung ding nipilai tenag Wembly mun a Khan to fight anei ding ahi, kit chu pomna ana pom ahi.

Chule, hiche paper chun asei bena’a, hiche WBA le IBF light-welterweight champ in ama ahin ki-maitopi masang a Mayweather’s boxing company a amin hung che jing  (rising) contender Jessie Vargas ahin galkai masat angaiye, tin (unbeaten) American boxer pan aseiyin ahi, ati. Chuva chun, “Khan in Jessie Vargas ahin ki-suhpi jou teng, Floyd Mayweather to hung kisoto ding ahi. Jessie aki-maitopi masat tei nagai ahi” tin Mayweather chun aseiyin ahi.

WASHINGTON (Unites States), Lhalam 10 (Bureau Report):

Iran a online services manghca hon password ho akhel diuvin Google in hetsahna aneitai. Hiche hi Dutch compant khat a Internet Security Certificates ho akiguh akon passwords ho akhel diuva kisei ahi. Iranian mi tamtah Google mangcha hon boina anei louna dinga kibol ahin, hiche ahin Gmail jong atohkhah maithei ahi, tin Google Vice President Security engineering Eric Grosse chun aseiye.

Iranian hon password akhel uva chule web browser a website le adang applications hoa lut lou diuva hetsah ahiuvin ahi. Chule Gmail a addres ho jong phatah a kholchilna anei masat diuvin aseiye. Internet Security Certificates 531 ho adihlou tah a akiguh thei chu Dutch secret services hon kholchilna anei pan tai, tin Dutch Interior Ministry in aseiyin ahi. Hiche certificate lhem chu SSL certicates akiti in, Dutch company ‘DigiNotar’ a ahi. SSL certificates hochu website khat lutna dinga adih mong hinam tia photchetna a kimang ahi.